Қазақстан Республикасы Әділет министрлігі Қылмыстық-атқару жүйесі комитетінің қылмыстық-атқару инспекцияларының
мемлекеттік наградаларды және оларға қоса берілген құжаттарын алып қою ережелерін бекіту туралы
Қазақстан Республикасы Әділет Министрінің 2007 жылғы 21 маусымдағы № 186 Бұйрығы
ҚР Ішкі істер министрінің 2012 жылғы 14 наурыздағы № 141 бұйрығымен күші жойылды
Қылмыстық-атқару кодексінің 56-бабын іске асыру мақсатында, «Әділет органдары туралы» Қазақстан Республикасы Заңының 7-бабы 2 тармағының 3) тармақшасын басшылыққа ала отырып, БҰЙЫРАМЫН:
1. Қазақстан Республикасы Әділет министрлігі Қылмыстық-атқару жүйесі комитетінің қылмыстық-атқару инспекцияларының мемлекеттік наградаларды және оларға қоса берілген құжаттарын алып қою ережелері бекітілсін.
2. Осы бұйрықтың орындалуын бақылау Қазақстан Республикасы Әділет министрлігі Қылмыстық-атқару жүйесі комитетінің Төрағасына жүктелсін.
3. Осы бұйрық Қазақстан Республикасының Әділет министрлігінде мемлекеттік тіркелген күнінен бастап қолданысқа енгізіледі.
Министр
"Келісілген"
Қазақстан Республикасының
Бас прокуроры 2-ші сыныпты
мемлекеттік әділет кеңесшісі
2007 жыл 21 маусым
Әділет министрінің
2007 жылғы 21 маусымдағы
№ 186 бұйрығымен
Бекітілген
Қазақстан Республикасының Әділет министрлігі Қылмыстық-атқару
жүйесі комитетінің Қылмыстық-атқару инспекцияларымен
мемлекеттік наградаларын және оларға қоса берілген құжаттарын
алып қою тәртібі туралы ереже
1. Жалпы ережелер
1. Осы Ереже Қазақстан Республикасының Қылмыстық атқару кодексіне, "Қазақстан Республикасының мемлекеттік наградалары туралы" Қазақстан Республикасының Заңына және Қазақстан Республикасының өзге де нормативтік құқықтық актілеріне сәйкес
әзірленген және Қазақстан Республикасының қылмыстық-атқару инспекцияларының (бұдан әрі - Инспекция) мемлекеттік наградаларды және оларға қоса берілген құжаттарын алып қою тәртібін айқындайды.