Қазақстан Республикасы
Қаржы министрінің
19 желтоқсандағы 2007 жылғы
№ 469 бұйрығымен бекітілген
ҚР Қаржы министрінің 2011 жылғы 23 маусымдағы № 325 бұйрығымен күші жойылды
«Акцизделген өнім мен мазуттың кейбір түрлерін шығарушылар мен импорттаушылар тауарларына жеке
сәйкестендіру нөмірін (ЖСН-код)» беру бойынша мемлекеттік қызмет көрсетудің стандарты
1. Жалпы ережелер
1. Акцизделген өнім мен мазуттың кейбір түрлерін шығарушылар мен импорттаушылар тауарларына жеке сәйкестендіру номерін (ЖСН-код) беру - бұл ЖСН-код беру және ЖСН-код алуға өтініштерді қабылдау бойынша салық қызметі органдарының акцизделген товарлардың кейбір түрлерінің өндірісі және айналымына, акциз төлемдерінің дұрыс және уақтылы аударылуына (ЖСН-код алу қызметі) бақылау жүргізу және реттеуді жүзеге асыруға арналған қызметі.
ЖСН-код - мұнай өнімдерінің жекелеген түрлерін өндірушіге (импорттаушыға), сондай-ақ Қазақстан Республикасында өндірілетін және еркін айналыс үшін тауар шығарудың кедендік режимінде Қазақстан Республикасының кеден аумағына әкелінген акцизделетін тауарлардың әрбір түріне берілетін дербес сәйкестендіру нөмірі:
1) темекі өнімдерінің маркалары/атаулары бойынша;
2) этил спирті түрлері/атауы бойынша, алкоголь өнімдері (сырадан басқа);
3) бензин маркасы бойынша (авиациялық бензиннен басқасы), дизелдік отын және мазут.