Қазақстан Республикасының заңнамалық актілерін іске асыру жөніндегі шаралар туралы
Қазақстан Республикасы Премьер-Министрінің 2008 жылғы 15 желтоқсандағы № 282-ө Өкімі
1. Қоса беріліп отырған «Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексі (Салық кодексі) және Қазақстан Республикасының 2008 жылғы 10 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» және «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» заңдарын іске асыру мақсатында қабылдануы қажет нормативтік құқықтық актілердің тізбесі (бұдан әрі - тізбе) бекітілсін.
2. Мемлекеттік органдар:
1) тізбеге сәйкес нормативтік құқықтық актілердің жобаларын әзірлесін және белгіленген тәртіппен Қазақстан Республикасының Үкіметіне енгізсін;
2) осы өкімнің 1-тармағында көрсетілген заңнамалық актілерді іске асыру мақсатында ведомстволық нормативтік құқықтық актілер қабылдасын және Қазақстан Республикасы Экономика және бюджеттік жоспарлау министрлігін хабардар етсін.
3. Қазақстан Республикасы Экономика және бюджеттік жоспарлау министрлігі осы өкімнің орындалуын бақылауды жүзеге асырсын және қабылданған шаралар туралы Қазақстан Республикасының Үкіметін хабардар етсін.
Премьер-Министрінің
2008 жылғы 15 желтоқсандағы
№ 282-ө өкімімен
бекітілген
«Салық және бюджетке төленетін басқа да міндетті
төлемдер туралы» Қазақстан Республикасының 2008 жылғы
10 желтоқсандағы Кодексін (Салық кодексі) және Қазақстан
Республикасының 2008 жылғы 10 желтоқсандағы «Салық және
бюджетке төленетін басқа да міндетті төлемдер туралы»
Қазақстан Республикасының Кодексін (Салық кодексі)
қолданысқа енгізу туралы» және «Қазақстан Республикасының
кейбір заңнамалық актілеріне салық салу мәселелері бойынша
өзгерістер мен толықтырулар енгізу туралы» заңдарын іске
асыру мақсатында қабылдануы қажет нормативтік құқықтық
актілердің тізбесі
Ескертпе: аббревиатуралардың толық жазылуы:
АБА - Қазақстан Республикасы Ақпараттандыру және байланыс агенттігі
ДСМ - Қазақстан Республикасы Денсаулық сақтау министрлігі
СІМ - Қазақстан Республикасы Сыртқы істер министрлігі
ИСМ - Қазақстан Республикасы Индустрия және сауда министрлігі
БҒМ - Қазақстан Республикасы Білім және ғылым министрлігі
АШМ - Қазақстан Республикасы Ауыл шаруашылығы министрлігі
ККМ - Қазақстан Республикасы Көлік және коммуникация министрлігі
ТСМ - Қазақстан Республикасы Туризм және спорт министрлігі
Еңбекмині - Қазақстан Республикасы Еңбек және халықты әлеуметтік қорғау министрлігі
Қаржымині - Қазақстан Республикасы Қаржы министрлігі
ЭБЖМ - Қазақстан Республикасы Экономика және бюджеттік жоспарлау министрлігі
ЭМРМ - Қазақстан Республикасы Энергетика және минералдық ресурстар министрлігі
Әділетмині - Қазақстан Республикасы Әділет министрлігі
«Самұрық Қазына» - «Самұрық-Қазына» ұлттық әл-ауқат қоры»
ҰӘҚ» АҚ акционерлік қоғамы