Салық есебін жүргізудің кейбір мәселелері
Қазақстан Республикасы Қаржы Министрінің 2008 жылғы 29 желтоқсандағы № 620 Бұйрығы
ҚР Қаржы министрінің 2011 жылғы 28 маусымдағы № 335 бұйрығымен күші жойылды
«Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 56-бабының 3-тармағына сәйкес БҰЙЫРАМЫН:
1. Мына нысандар бекітілсін:
1) осы бұйрыққа 1-қосымшаға сәйкес патент негізінде арнаулы салық режимін қолданатын және қосылған құн салығын төлеушілер болып табылмайтын жеке кәсіпкерлерге арналған салық есебі кітабы;
2) осы бұйрыққа 2-қосымшаға сәйкес патент негізінде арнаулы салық режимін қолданатын және қосылған құн салығын төлеушілер болып табылатын жеке кәсіпкерлерге арналған салық есебі кітабы.
2. Қазақстан Республикасы Қаржы министрлігінің Салық комитеті (Ерғожин Д.Е.) осы бұйрықты Қазақстан Республикасының Әділет министрлігінде мемлекеттік тіркеуін және кейінгі бұқаралық ақпарат құралдарында жариялауды қамтамасыз етсін.
3. Осы бұйрық алғашқы ресми жарияланған күннен бастап қолданысқа енгізіледі және 2009 жылдың 1 қаңтарынан бастап туындайтын қатынастарға қолданылады.