«Менің Отаным - Қазақстан» республикалық туристік экспедициясын (туристік жорығын)
ұйымдастырудың кейбір мәселелері туралы
Қазақстан Республикасы Үкіметінің 2009 жылғы 27 қаңтардағы № 61 Қаулысы
Қазақстан Республикасында балалар мен жасөспірімдер туризмін дамыту мақсатында Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған «Менің Отаным - Қазақстан» республикалық туристік экспедициясын (туристік жорығын) өткізу жөніндегі ұйымдастру комитетінің құрамы бекітілсін.
2. «Менің Отаным - Қазақстан» республикалық туристік экспедициясын (туристік жорығын) (бұдан әрі - экспедиция) ұйымдастыру үш кезеңде жүзеге асырылады деп белгіленсін:
1) бірінші кезең - аудандық (өткізілу мерзімі наурыздың 31-не дейін, жыл сайын);
2) екінші кезең - облыстық (өткізілу мерзімі мамырдың 31-не дейін, жыл сайын);
3) үшінші кезең - республикалық (өткізілу мерзімі тамыздың 31-не дейін, жыл сайын).
3. Облыстардың, Астана және Алматы қалаларының әкімдері экспедиңияның аудандық және облыстық кезеңдерін ұйымдастыру жөнінде қажетті шаралар қабылдасын.
4. «Қазақстан Республикасында туризмді дамытудың 2007-2011 жылдарға арналған мемлекеттік бағдарламасын іске асыру жөніндегі 2007 - 2009 жылдарға арналған іс-шаралар жоспарын бекіту туралы» Қазақстан Республикасы Үкіметінің 2007 жылғы 28 ақпандағы № 156 қаулысына (Қазақстан Республикасының ПҮАЖ-ы, 2007 ж., № 6, 77-құжат) мынадай толықтыру енгізілсін:
көрсетілген қаулымен бекітілген Қазақстан Республикасында туризмді дамытудың 2007 - 2011 жылдарға арналған мемлекеттік бағдарламасын іске асыру жөніндегі 2007 - 2009 жылдарға арналған іс-шаралар жоспары:
мынадай мазмұндағы 11-бөліммен толықтырылсын:
«11. «Менің Отаным - Қазақстан» республикалық туристік экспедициясының (туристік жорығының) (бұдан әрі - экспедиция) жобасын іске асыру