«Ұсынылатын реттеліп көрсетілетін қызметтердің (тауарлардың, жұмыстардың) тарифтерін (бағаларын, алымдар ставкаларын) немесе олардың шекті деңгейлерін көтеру немесе төмендету ережесін бекіту туралы» Қазақстан Республикасы Табиғи монополияларды реттеу агенттіттігі төрағасының міндетін атқарушысының 2005 жылғы 19 наурыздағы № 91-НҚ бұйрығына толықтырулар мен өзгерістер енгізу туралы
Қазақстан Республикасы Табиғи монополияларды реттеу агенттігі Төрағасының 2009 жылғы 16 қаңтардағы № 4-НҚ бұйрығы
ҚР Ұлттық экономика министрінің 2020 жылғы 22 мамырдағы № 42 бұйрығымен күші жойылды
«Табиғи монополиялар туралы» Қазақстан Республикасы Заңының 7-бабының 15) тармақшасына, «Нормативтік құқықтық актілер туралы» Заңының 43-бабы 1 тармағының 1) тармақшасына, Қазақстан Республикасы Үкіметінің 2007 жылғы 12 қазандағы № 943 қаулысымен бекітілген Қазақстан Республикасы Табиғи монополияларды реттеу агенттігі туралы ережесінің 21-тармағының 6) тармақшасына сәйкес БҰЙЫРАМЫН:
1. «Ұсынылатын реттеліп көрсетілетін қызметтердің (тауарлардың, жұмыстардың) тарифтерін (бағаларын, алымдар ставкаларын) немесе олардың шекті деңгейлерін көтеру немесе төмендету ережесін бекіту туралы» Қазақстан Республикасы Табиғи монополияларды реттеу агенттігі төрағасының міндетін атқарушысының 2005 жылғы 19 наурыздағы № 91-НҚ бұйрығына (нормативтік құқықтық актілерді мемлекеттік тіркеу тізілімінде № 3530 тіркелген, «Ресми газетінде» 2005 жылғы 7 мамырдағы № 19 нөмірінде жарияланған) мынадай толықтырулар мен өзгерістер енгізілсін:
кіріспедегі:
«монополиялар» деген сөзден кейін «және реттелетін нарықтар» деген сөздермен толықтырылсын;