Түзеу мекемелерінің Ережелерін бекіту туралы Қазақстан Республикасы
Әділет министрінің 2001 ж. 11 желтоқсандағы № 148 бұйрығы
(2007.02.10. берілген өзгерістер мен толықтырулармен)
Осы редакция 2009 жылғы 29 маусымда енгізілген өзгерістеріне дейін қолданылды
Қазақстан Республикасы Әділет министрлігі түзеу мекемелерінің қызметін бұдан әрі жетілдіру қылмыстық-атқару заңнамасын жүзеге асыру мақсатында бұйырамын:
1. Түзеу мекемелерінің ішкі тәртіп ережелері бекітілсін (қоса беріліп отыр).
2. Қазақстан Республикасының Ішкіісмині қылмыстық-атқару жүйесі Комитетіне, осы Ережелердің іс жүзінде қатаң қолдануын қамтамасыз етсін.
3. Осы бұйрықтың орындалуын бақылау Қазақстан Республикасының Әділет министрлігі ҚАЖ Комитетіне жүктелсін.
4. Бұйрық 2002 жылдың 1 қаңтарынан бастап іске енеді.
Министр
Қазақстан Республикасының
Бас прокуратурасы
2001 жылғы 19 желтоқсан
Қазақстан Республикасы
Әділет Министрлігінің
2001 ж. 11 желтоқсандағы
№ 148 бұйрығымен бекітілген
Түзеу мекемелерiнiң iшкi тәртiп
Ережелері
1-Тарау. Жалпы ережелер
1. Түзеу мекемелеріндегі iшкi тәртiптiң осы Ережелерi (бұдан әрi Ереже) Қазақстан Республикасы қылмыстық-атқару кодексiнiң негiзiнде бас бостандығынан айыру түріндегі жазаны атқару және өтеудiң заңмен қарастырылған тәртiптерi мен шарттарын iске асыру үшiн, сотталғандардың заңды мүдделерiн, құқықтарын қорғау үшiн неғұрлым қолайлы жағдай тудыру мақсатында мекемелер қызметiн реттейдi.
2. Осы Ереженi бұзған адам белгiленген тәртiппен іске енген заңнамамен жауапқа тартылады.
2-Тарау. Сотталғандарды түзеу мекемелеріне
қабылдау тәртібі
1. Сотталғандарды түзеу мекемелерiне қабылдау
ҚР Әділет министрінің 08.06.04 ж. № 173 бұйрығымен 3-тармақ өзгертілді (бұр. ред. қара)
3. Сотталғандарды ТМ-не қабылдауды колония бастығының кезекшi көмекшiсi (түрмеде-түрме бастығының кезекшi көмекшiсi, мекеменiң арнайы бөлім мен медициналық бөлім қызметкерлерінің міндетті түрде қатысуымен жүзеге асырады.