Жол картасын жүзеге асыру аясында 2009-2010 оқу жылына техникалық және кәсіптік білімді мамандарды даярлауға арналған мемлекеттік білім беру тапсырысын бекіту туралы
Алматы қаласы әкімдігінің 2009 жылғы 7 желтоқсандағы № 5/794 қаулысы
Алматы қаласы әкімдігінің 2014 жылғы 14 шілдедегі № 3/586 Қаулысымен күші жойылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2007 жылғы 27 шілдедегі «Білім туралы» Заңдарына, Мемлекет Басшысының 2009 жылғы 6 наурыздағы «Дағдарыстан жаңару мен дамуға» атты Қазақстан халқына арнаған жолдауын жүзеге асыру жөніндегі Қазақстан Республикасы Үкіметінің 2009 жылғы 10 наурыздағы № 274 қаулысына сәйкес Алматы қаласының әкімдігі ҚАУЛЫ ЕТЕДІ:
1. Жол картасын жүзеге асыру аясында 2009-2010 оқу жылына техникалық және кәсіптік білімді мамандары даярлауға арналған мемлекеттік білім беру тапсырысы қосымшаға сәйкес бекітілсін.
2. Алматы қаласы Білім басқармасы Жол картасын жүзеге асыру аясында 2009-2010 оқу жылына техникалық және кәсіптік білімді мамандарды даярлауға арналған мемлекеттік білім беру тапсырысын орналастыруды қамтамасыз етсін.