«Білім беру ұйымдарында білім алушыларға академиялық демалыс беру ережесін бекіту туралы» Қазақстан Республикасы Білім және ғылым министрінің 2008 жылғы 18 наурыздағы № 124 бұйрығына өзгерістер мен толықтырулар енгізу туралы
Қазақстан Республикасы Денсаулық сақтау министрінің 2010 жылғы 29 наурыздағы № 139 Бұйрығы
ҚР Білім және ғылым министрінің м. а. 2012 жылғы 17 тамыздағы № 386 бұйрығымен күші жойылды
«Білім туралы» Қазақстан Республикасының 2007 жылғы 27 шілдедегі Заңының 5-бабының 17) тармақшасына сәйкес БҰЙЫРАМЫН:
1. «Білім беру ұйымдарында білім алушыларға академиялық демалыс беру ережесін бекіту туралы» Қазақстан Республикасы Білім және ғылым министрінің 2008 жылғы 18 наурыздағы № 124 бұйрығына (нормативтік құқықтық актілерді мемлекеттік тіркеу тізілімінде № 5192 тіркелген, «Заң газетінің» 2008 жылғы 23 мамырдағы № 77 жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген Білім беру ұйымдарында білім алушыларға академиялық демалыс беру ережесінде:
8-тармақта:
«сырқаттанушы (жүкті) адамға» деген сөздер «сырқаттанушыға және жүктіге» деген сөздермен ауыстырылсын;
мынадай мазмұнда екінші абзацпен толықтырылсын:
«Сонымен қатар, академиялық демалыс бала күтіміне байланысты үш жылға дейін беріледі.»;
«білім беру ұйымының басшысы» деген сөздерден кейін «үш жұмыс күнінің ішінде» деген сөздермен толықтырылсын;
«білім саласындағы өкілетті органға» деген сөздерден кейін «үш жұмыс күнінің ішінде» деген сөздермен толықтырылсын;