Көктемгі кезеңде Қазақстан Республикасының республикалық маңызы бар жалпы
пайдалымдағы автомобиль жолдары бойынша автокөлік құралдарының қозғалысын
ұйымдастыру туралы Көлік және коммуникациялар министрінің 2004 жылғы 19 сәуірдегі № 165-І бұйрығы
(2008.18.02. берілген өзгерістер мен толықтыруларымен)
Осы редакция 2010 жылғы 7 сәуірде енгізілген өзгерістеріне дейін қолданылды
«Автомобиль жолдары туралы» Қазақстан Республикасы Заңының 18-бабына және «Қазақстан Республикасының аумағы бойынша автокөлік құралдарының жүріп өтуін реттейтін кейбір мәселелер» туралы Қазақстан Республикасы Үкіметінің 2002 жылғы 19 қаңтардағы № 62 қаулысымен бекітілген Қазақстан Республикасының автомобиль жолдары бойынша жүруге арналған автокөлік құралдарының рұқсат етілген өлшемдерінің 16-тармағына сәйкес, Қазақстан Республикасының республикалық маңызы бар жалпы пайдаланымдағы автомобиль жолдарының алып жүру қабілетін жоғалтуына байланысты бұйырамын:
ҚР Көлік және коммуникация министрлігінің 2007.07.03. № 60 (бұр. ред. қара); 2008.18.02. № 61 (бұр.ред.қара) Бұйрықтарымен 1-тармақ өзгертілді
1. Халықаралық келісімдерге сәйкес жүктер мен жолаушылардың халықаралық тасымалын жүзеге асыратын тасымалдаушылардың автокөлік құралдарын, төтенше жағдайлардың алдын алу және жою жөніндегі іс-шараларға, сондай-ақ тез бұзылатын тауарларды тасымалдауға тартылған көлік құралдарын қоспағанда, жеке оське 8 тоннаға дейін жүктемесі бар автокөлік құралдарының қозғалысына Қазақстан Республикасының республикалық маңызы бар жалпы пайдаланымдағы автомобиль жолдарында уақытша шектеулер енгізілсін.
2. Қозғалысты уақытша шектеулердің қолданылу мерзімі жыл сайын IV жол-климаттық аймаққа - 23 наурыздан бастап 15 мамырды қоса алғандағы тиісті жылға, V жол-климаттық аймаққа - 1 наурыздан бастап 20 сәуірді қоса алғандағы тиісті жылға белгіленсін (1-қосымша).