ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды
Қазақстан Республикасы
Төтенше жағдайлар министрінің
2008 жылы 18 қыркүйектегі
№ 172 бұйрығымен
бекітілген
ҚР Төтенше жағдайлар министрінің 2009.21.10. № 244 бұйрығымен барлық мәтін бойынша «Ереже», «Ережелерді», «Ережелермен» сөздері сәйкесінше «Талап», «Талаптарды», «Талаптармен» сөздерімен алмастырылды
Жарылысқа қауіпті және зиянды газдармен жұмыс істейтін мойынтіректі компрессор
қондырғыларын пайдалану қауіпсіздігі және орнату
талаптары
(2009.21.10. берілген өзгерістермен)
2 - тарау. Компрессорлық қондырғылар мен машина залдарына қойылатын негізгі талаптар
3 - тарау. Компрессорлық қондырғылардың жекелеген тораптарына қойылатын спецификалық талаптар
4 - тарау. Компрессорлық қондырғыларды апатқа қарсы автоматты қорғау, бақылау және басқару жүйесі
5 - тарау. Компрессорлық қондырғыларды монтаждау, баптау және қабылдау
6 - тарау. Компрессорлық қондырғыларды пайдалану және жөндеу
7 - тарау. Компрессорлық қондырғылардың жарылысқа қауіптілік көрсеткіштерін анықтау
1. Жарылысқа қауіпті және зиянды газдармен жұмыс істейтін мойынтіректі (поршенді) компрессор қондырғыларын пайдалану қауіпсіздігі мен орнату тәртібі (бұдан былай-Талап) төмендегі жағдайларда қолдануға арналған:
1) компрессорлы қондырғыларды қауіпті өндіріс нысандарында жобалауда, өңдеуде, пайдалану барысында, кеңейтуде, қайта қалпына келтіруде, жөндеу кезінде және бұзылудан сақтауда;
2) компрессорлы қондырғылардың өндірістік қауіпсіздігіне сараптама жасағанда.
2. Осы Талаптар жобаланатын, қайтадан дайындалатын және қайта қалпына келтірілетін компрессорлы қондырғыларға, сондай-ақ қолданыстағы мойынтіректі компрессорлық қондырғыларға қолданылады.
3. Талаптар тоңазытқыштық және оттегілік компрессорлы қондырғыларға, сондай-ақ радиоактивті газдар мен ацетилен тобындағы газдармен жұмыс істейтін компрессорлық қондырғыларға жүрмейді.