«Жеке сот орындаушыларының қызметін бақылауды жүзеге асыру ережесін бекіту туралы» Қазақстан Республикасы Әділет министрінің м.а. 2010 жылғы 3 қарашадағы № 304 Бұйрығы (күші жойылды)

Жеке сот орындаушыларының қызметін бақылауды жүзеге асыру ережесін бекіту туралы
Қазақстан Республикасы Әділет министрінің м.а. 2010 жылғы 3 қарашадағы № 304 Бұйрығы

ҚР Әділет министрінің 2014 жылғы 17 наурыздағы № 110 бұйрығымен күші жойылды

 «Атқарушылық іс жүргізу және сот орындаушыларының мәртебесі туралы» Қазақстан Республикасы 2010 жылғы 2 сәуірдегі Заңының 167-бабы 2-тармағының 4) тармақшасына, 174-бабына сәйкес, БҰЙЫРАМЫН:

1. Қоса беріліп отырған Жеке сот орындаушыларының қызметін бақылауды жүзеге асыру ережесі бекітілсін.

2. «Жеке сот орындаушыларының қызметін бақылауды жүзеге асыру ережесін бекіту туралы» Қазақстан Республикасы Жоғарғы соты жанындағы сот әкімшілігі жөніндегі комитет Төрағасының 2010 жылғы 14 шілдедегі № 01-01-31/244 бұйрығының (Нормативтік құқықтық актілерді мемлекеттік тіркеу тізілімінде № 6346 тіркелген) күші жойылды деп танылсын.

3. Осы бұйрық алғаш ресми жарияланғаннан кейін күнтізбелік он күн өткен соң қолданысқа енгізіледі.

Қазақстан Республикасы

Әділет министрі міндетін

атқарушының

2010 жылғы 3 қарашадағы

№ 304 бұйрығымен бекітілген

Жеке сот орындаушыларының қызметін бақылауды жүзеге асыру

ережесі

1. Осы Ереже «Атқарушылық іс жүргізу және сот орындаушыларының мәртебесі туралы» Қазақстан Республикасы 2010 жылғы 2 сәуірдегі Заңының 167-бабының 2-тармағы 4) тармақшасына, 174-бабына сәйкес уәкілетті орган, Республикалық және өңірлік жеке сот орындаушылары алқасының жеке сот орындаушысы жасаған атқарушылық іс-қимылдарының заңдылығын бақылауды жүзеге асыру және іс жүргізу ережесін сақтауы жөніндегі бірлескен құзыретінің іске асырылу тетігін белгілеу мақсатында әзірленді.

2. Бақылау мақсаты мыналар болып табылады:

жеке атқарушылық іс жүргізу саласындағы заңдылықты және оның халыққа қол жетімділігін қамтамасыз ету;