«Конкурстық басқарушының қорытынды есебінің нысанын және оны келісу ережесін бекіту туралы» Қазақстан Республикасы Қаржы министрінің 2008 жылғы 12 тамыздағы № 398 бұйрығына өзгерістер енгізу туралы
Қазақстан Республикасы Қаржы министрінің 2010 жылғы 28 желтоқсандағы № 663 бұйрығы
ҚР Премьер-Министрінің орынбасары - ҚР Қаржы министрінің 2014 жылғы 15 мамырдағы № 224 бұйрығымен күші жойылды
Конкурстық өндіріс рәсімдерін жүргізудің тиімділігін арттыру мақсатында, БҰЙЫРАМЫН:
1. «Конкурстық басқарушының қорытынды есебінің нысанын және оны келісу ережесін бекіту туралы» Қазақстан Республикасы Қаржы министрінің 2008 жылғы 12 тамыздағы № 398 бұйрығына (нормативтік құқықтық актілерді мемлекеттік тіркеу Тізілімінде № 5293 тіркелген, «Заң газетінде» 2008 жылдың 10 қазанында № 155 (1381) жарияланған) мынадай өзгерістер енгізілсін:
аталған бұйрықпен бекітілген Конкурстық басқарушының қорытынды есебінің нысаны осы бұйрықтың қосымшасына сәйкес редакцияда жазылсын;
аталған бұйрықпен бекітілген Конкурстық басқарушының қорытынды есебін келісу ережесінде:
1-тармақта «Қазақстан Республикасы Қаржы министрлігі Дәрменсіз борышкерлермен жұмыс комитетімен (бұдан әрі - Комитет), оның аумақтық бөлімшелерімен немесе олардың филиалдарымен» деген сөздер «Қазақстан Республикасы Қаржы министрлігі Дәрменсіз борышкерлермен жұмыс комитетінің аумақтық бөлімшелерімен (бұдан әрі - Комитеттің аумақтық бөлімшесі) немесе оның филиалымен» деген сөздермен ауыстырылсын;
барлық мәтін бойынша «Комитет, оның аумақтық бөлімшесі немесе оның филиалы», «Комитетпен, оның аумақтық бөлімшесімен немесе оның филиалымен» деген сөздер тиісінше «Комитеттің аумақтық бөлімшесі», «Комитеттің аумақтық бөлімшесімен» деген сөздермен ауыстырылсын.
2. Қазақстан Республикасы Қаржы министрлігінің Дәрменсіз борышкерлермен жұмыс комитеті (Н.Д.Үсенова) осы бұйрықтың Қазақстан Республикасы Әділет министрлігінде мемлекеттік тіркелуін және оның кейіннен бұқаралық ақпарат құралдарында ресми жариялануын қамтамасыз етсін.