«Жергілікті бюджеттер жобаларын әзірлеу ережесін бекіту туралы» Қазақстан Республикасы Үкіметінің 2009 жылғы 13 шілдедегі № 1061 қаулысына өзгеріс енгізу туралы» Қазақстан Республикасы Үкіметінің 2012 жылғы 8 мамырдағы № 589 Қаулысы (күші жойылды)

«Жергілікті бюджеттер жобаларын әзірлеу ережесін бекіту туралы» Қазақстан Республикасы Үкіметінің 2009 жылғы 13 шілдедегі № 1061 қаулысына өзгеріс енгізу туралы
Қазақстан Республикасы Үкіметінің 2012 жылғы 8 мамырдағы № 589 Қаулысы

ҚР Үкіметінің 2015 жылғы 17 маусымдағы № 449 Қаулысымен күші жойылды

Қазақстан Республикасының Үкіметі ҚАУЛЫ ЕТЕДІ:

1. «Жергілікті бюджеттер жобаларын әзірлеу ережесін бекіту туралы» Қазақстан Республикасы Үкіметінің 2009 жылғы 13 шілдедегі № 1061 қаулысына (Қазақстан Республикасының ПҮАЖ-ы, 2009 ж., № 32, 305-құжат) мынадай өзгеріс енгізілсін:

көрсетілген қаулымен бекітілген Жергілікті бюджеттер жобаларын әзірлеу ережесі осы қаулыға қосымшаға сәйкес жаңа редакцияда жазылсын.

2. Осы қаулы алғашқы ресми жарияланған күнінен бастап қолданысқа енгізіледі.

Қазақстан Республикасы

Үкіметінің

2012 жылғы 8 мамырдағы

№ 589 қаулысына

қосымша

Қазақстан Республикасы

Үкіметінің

2009 жылғы 13 шілдедегі

№ 1061 қаулысымен

бекітілген

Жергілікті бюджеттер жобаларын әзірлеу

ережесi

1. Жалпы ережелер

1. Осы Жергілікті бюджеттер жобаларын әзірлеу ережесі (бұдан әрі - Ереже) Қазақстан Республикасының 2008 жылғы 4 желтоқсандағы Бюджет кодексіне сәйкес әзірленді және жергілікті бюджеттердің жобаларын әзірлеу тәртібін айқындайды.

2. Жергілікті бюджеттердің жобаларын әзірлеу үдерісі:

1) өңірдің әлеуметтік-экономикалық дамуы болжамының жобасын әзірлеуді және оны жергілікті атқарушы органның мақұлдауын;