ҚР Ішкі істер министрінің 2014 жылғы 15 тамыздағы № 511 бұйрығымен күші жойылды
Қазақстан Республикасы
Ішкі істер министрінің
2012 жылғы 14 наурыздағы
№ 141 бұйрығына
5-қосымша
Мемлекеттік наградаларды алып қою
қағидасы
1. Жалпы ережелер
1. Осы Мемлекеттік наградаларды алып қою қағидасы (бұдан әрі - Қағида) Қазақстан Республикасының Қылмыстық-атқару кодексінің 56-бабына, «Қазақстан Республикасының мемлекеттік наградалары туралы» Қазақстан Республикасының Заңының 40-бабына, Қазақстан Республикасының өзге де нормативтік құқықтық актілеріне сәйкес әзірленді және қылмыстық-атқару инспекциясының (бұдан әрі - Инспекция) мемлекеттік наградалар мен оларға қоса берілген құжаттарды алып қою тәртібін айқындайды.
2. Мемлекеттік наградаларды және оларға қоса берілген құжаттарды алып қою тәртібі
2. Қазақстан Республикасы Президентінің сотталғанды мемлекеттік наградадан айыру туралы Жарлығын (бұдан әрі - Жарлық) алған кезде Қылмыстық-атқару жүйесі комитеті немесе қылмыстық-атқару жүйесінің аумақтық органдары сотталғанның орналасқан жері бойынша Инспекцияға тиісті Жарлықты орындау үшін жолдайды.
3. Инспекция Жарлықты алған соң, он жұмыс күні ішінде сотталғанның орналасқан жерін анықтайды.
4. Сотталғанның орналасқан жерін (қылмыстық-атқару жүйесі мекемесін) анықтағаннан кейін, оны Инспекция қызметкері бес жұмыс күні ішінде Қазақстан Республикасы Президентінің Жарлығымен қол қою арқылы таныстырады және мемлекеттік награда мен оған қоса берілген құжаттардың орналасқан жерін анықтайды.
5. Мемлекеттік награда және оған қоса берілген құжаттар басқа облыста табылған жағдайда, Инспекция бес жұмыс күні ішінде Жарлықтың көшірмесін тиісті облыстағы қылмыстық-атқару жүйесі органына орындау үшін жолдайды.
6. Жарлықтың көшірмесін алған Инспекция қызметкері мемлекеттік награда және оған қоса берілген құжаттары бар адамның орналасқан жерін анықтайды және бес жұмыс күні ішінде алып қоюды жүргізеді.