Қазақстан Республикасында сирек ауруларды емдеуге арналған орфандық медициналық технологиялардың тізбесін бекіту туралы
Қазақстан Республикасы Денсаулық сақтау министрінің 2011 жылғы 11 мамырдағы № 285 бұйрығы
Осы редакция 2012 жылғы 6 тамызда енгізілген өзгерістеріне дейін қолданылды
«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі кодексінің 34-бабының 3-тармағына және Қазақстан Республикасы Үкіметінің 2009 жылғы 30 қазандағы № 1729 қаулысымен бекітілген «Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесінің 12-тармағының 1) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес Қазақстан Республикасында сирек ауруларды емдеуге арналған орфандық медициналық технологиялардың тізбесі бекітілсін.
2. Осы бұйрықпен бекітілген дәрілік заттарды сатып алуға және медициналық практикада қолдануға Қазақстан Республикасы аумағында мемлекеттік тіркеу жоқ кезде рұқсат беріледі.
3. Орфандық (сирек қолданылатын) дәрілік заттарды пайдалану туралы шешімді денсаулық сақтау ұйымының формулярлық комиссиясының ұсынымы бойынша денсаулық сақтау ұйымының басшысы қабылдайды.
4. Облыстардың, Астана және Алматы қалаларының денсаулық сақтау басқармалары (келісім бойынша), сондай-ақ Қазақстан Республикасы Денсаулық сақтау министрлігінің ведомстволық бағыныстағы ұйымдары, Формулярлық комиссиялар (келісім бойынша) осы бұйрықты басшылыққа алсын және тәжірибемен шұғылданушы мамандардың назарына жеткізсін.
5. «Қазақстан Республикасында орфандық (сирек қолданылатын) дәрілік заттардың тізбесін бекіту туралы» Қазақстан Республикасы Денсаулық сақтау министрінің 2009 жылғы 7 желтоқсандағы № 831 бұйрығының күші жойылды деп танылсын.