Жедел есептілікті жасаудың нысандары мен тәртібін қамтитын стратегиялық және бағдарламалық құжаттарға, мемлекеттік органдардың стратегиялық жоспарларына мониторинг жүргізу жөніндегі әдестемелік нұсқаулықтарды бекіту туралы
Қазақстан Республикасы Экономикалық даму және сауда министрінің 2010 жылғы 1 шілдедегі № 100 бұйрығы
Осы редакция 2012 жылғы 22 қазанда енгізілген өзгерістеріне дейін қолданылды
Қазақстан Республикасы Президентінің Әкімшілігі Басшысының 2010 жылғы 9 сәуірдегі № 01-39.26 бұйрығымен бекітілген Қазақстан Республикасындағы Мемлекеттік жоспарлау жүйесінің одан әрі жұмыс істеуі жөніндегі ұйымдастыру іс-шаралары жоспарының 5-тармағын орындау үшін БҰЙЫРАМЫН:
1. Қоса беріліп отырған Жедел есептілікті жасаудың нысандары мен тәртібін қамтитын стратегиялық және бағдарламалық құжаттарға, мемлекеттік органдардың стратегиялық жоспарларына мониторинг жүргізу жөніндегі әдестемелік нұсқаулықтар (бұдан әрі - Әдістемелік нұсқаулық) бекітілсін.
2. Орталық мемлекеттік және жергілікті атқарушы органдар стратегиялық және бағдарламалық құжаттарға, мемлекеттік органдардың стратегиялық жоспарларын мониторинг жүргізу кезінде осы Әдістемелік нұсқаулықты басшылыққа алсын.
3. Осы бұйрықтың орындалуын өзім бақылаймын.
4. Осы бұйрық қол қойылған күнінен бастап күшіне енеді.
Экономикалық даму және
сауда министрінің
2010 жылғы 1 шілдедегі
№ 100 бұйрығымен
бекітілген
Жедел есептілікті жасаудың нысандары мен тәртібін қамтитын стратегиялық және бағдарламалық құжаттарға, мемлекеттік органдардың стратегиялық жоспрларына мониторинг жүргізу жөніндегі
әдістемелік нұсқаулықтар
1. Жалпы ережелер
1. Стратегиялық және бағдарламалық құжаттар, мемлекеттік органдардың стратегиялық жоспарлары мониторингінің негізгі ережелері Қазақстан Республикасы Үкіметінің 2010 жылғы 4 наурыздағы № 931 Жарғысында (бұдан әрі - № 931 Жарғы) белгіленген.