2013-2017 жылдары өтеусіз негізде жыл сайынғы Агроөнеркәсіптік кешеннің республикалық көрме-жәрмеңкесін ұйымдастыру мен өткізудің кейбір мәселелері
Қазақстан Республикасы Ауыл шаруашылығы министрінің м.а. 2013 жылғы 30 шілдедегі № 10-2/348 бұйрығы
Қазақстан Республикасы агроөнеркәсіптік кешенінің жетістіктерін және отандық аграрлық сектор мен өңірлердің ауыл шаруашылығы өнімдерін өндіру мен қайта өңдеудегі мүмкіндіктерін көрсету мақсатында, сондай-ақ «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының 2005 жылғы 8 шілдедегі Заңының 15-бабы 1-тармағының 5) тармақшасына сәйкес БҰЙЫРАМЫН:
1. Осы бұйрыққа 1-қосымшаға сәйкес 2013-2017 жылдары өтеусіз негізде Агроөнеркәсіптік кешенінің жыл сайынғы республикалық көрме-жәрмеңкесін ұйымдастырушыны айқындау жөніндегі конкурстық комиссия құрамы бекітілсін.
2. Конкурстық комиссия осы бұйрыққа 2-қосымшаға сәйкес конкурстық комиссия 2013-2017 жылдары өтеусіз негізде Агроөнеркәсіптік кешенінің жыл сайынғы республикалық көрме-жәрмеңкесін ұйымдастырушыны айқындау бойынша конкурс өткізудің шарттарына сәйкес ұйымдастырушыны айқындасын.
3. Осы бұйрық қол қойылған күнінен бастап күшіне енеді.