(БҰРЫНҒЫ РЕДАКЦИЯ) ҚР ҮКІМЕТІНІҢ 2007 ЖЫЛҒЫ 27 ҚЫРКҮЙЕКТЕГІ № 850 ҚАУЛЫСЫ

Азаматтық қызметшілер лауазымдарының тізбесін бекіту туралы
Қазақстан Республикасы Үкіметінің 2007 жылғы 27 қыркүйектегі № 850 Қаулысы

Осы редакция 2014 жылғы 31 желтоқсанда енгізілген өзгерістеріне дейін қолданылды

Қазақстан Республикасының 2007 жылғы 15 мамырдағы Еңбек кодексінің 15-бабының 11) тармақшасына және 230-бабына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Азаматтық қызметшілер лауазымдарының тізбесі бекітілсін.

2. Осы қаулы алғаш рет ресми жарияланған күнінен бастап қолданысқа енгізіледі.

Қазақстан Республикасы

Үкіметінің

2007 жылғы 27 қыркүйектегі

№ 350 қаулысымен

бекітілген

Азаматтық қызметшілер лауазымдарының тізбесі

Қазыналық кәсіпорындар мен мемлекеттік мекемелердің олардың міндеттері мен функцияларын іске асыру мақсатында лауазымдық өкілеттіктерді жүзеге асыратын, техникалық қызмет көрсететін, сондай-ақ мемлекеттік органдардың жұмыс істеуін қамтамасыз ететін қызметкерлерінің лауазымдары:

1. Мемлекеттік мекеме мен қазыналық кәсіпорын, оның ішінде:

жоғары оқу орны (ЖОО);

ғылыми-зерттеу институты (ҒЗИ);

орталық (ұлттық, ұлттық ғылыми, ұлттық ғылыми-практикалық, ғылыми, ғылыми-зерттеу, ғылыми-клиникалық, халыққа қызмет көрсету, сот сараптамасы, сот медицинасы, ақпаратты техникалық қорғау, геологиялық ақпараттың ақпараттық қауіпсіздігі саласында мамандар даярлау және олардың біліктілігін арттыру, ақпараттық, ақпараттық-талдау, ақпараттық-статистикалық, оқу, оқу-тәрбие, оқу-әдістемелік, ғылыми-енгізу, ғылыми-педагогикалық, ғылыми-практикалық, ғылыми-өндірістік, өндірістік, жобалау-іздестіру, зейнетақы төлеу жөніндегі);

біліктілікті арттыру институты;

институт;

ҒЗИ (орталық), ЖОО жанындағы клиника;

мәдениет және мұрағат ісі, спорт;

ЖОО оқу-есептеу орталығы;

зертхана; жасақ; қызмет;

су жолдары қазыналық кәсіпорны;

мектепке дейінгі мемлекеттік мекеме және қазыналық кәсіпорын;