Қазақстан Республикасы мемлекеттік кірістер органдарының кодтарын бекіту туралы
Қазақстан Республикасы Қаржы министрінің 2014 жылғы 26 желтоқсандағы № 588 бұйрығы
(2015.02.09. берілген толықтырулармен)
ҚР Қаржы министрінің 2018 жылғы 12 ақпандағы № 159 бұйрығымен күші жойылды
«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 18-бабының 2-тармағына сәйкес БҰЙЫРАМЫН:
1. Қоса беріліп отырған Қазақстан Республикасы мемлекеттік кірістер органдарының кодтары бекітілсін.
2. Қазақстан Республикасы Қаржы министрлiгiнiң Мемлекеттік кірістер комитетi (Д.Е.Ерғожин):
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық Қазақстан Республикасының Әділет министрлігінде мемлекеттік тіркеуден өткеннен кейін күнтізбелік он күн ішінде бұқаралық ақпарат құралдарында және «Әділет» ақпараттық-құқықтық жүйесінде ресми жариялауға жолдауды;
3) осы бұйрықтың Қазақстан Республикасы Қаржы министрлiгiнiң ресми интернет-ресурсында орналастырылуын қамтамасыз етсiн.
3. Осы бұйрық алғаш ресми жарияланған күнінен кейін он күнтізбелік күн өткен соң қолданысқа енгізіледі.