«Жас ғалымдарға пәтер бөлудің кейбір мәселелері туралы» Қазақстан Республикасы Ғылым және жоғары білім министрінің 2025 жылғы 29 қаңтардағы № 28 бұйрығына өзгерістер енгізу туралы
Қазақстан Республикасының Ғылым және жоғары білім министрінің 2025 жылғы 19 ақпандағы № 66 бұйрығы
ҚР Ғылым және жоғары білім министрінің міндетін атқарушының 2025 жылғы 16 қазандағы № 482 бұйрығымен күші жойылды
«Құқықтық актілер туралы» Қазақстан Республикасы Заңының 65-бабының 3-тармағына сәйкес БҰЙЫРАМЫН:
1. «Жас ғалымдарға пәтер бөлудің кейбір мәселелері туралы» Қазақстан Республикасы Ғылым және жоғары білім министрінің 2025 жылғы 29 қаңтардағы № 28 бұйрығына мынадай өзгерістер енгізілсін:
5-тармақ алып тасталсын;
6-тармақ мынадай редакцияда жазылсын:
«5. Мемлекет қатысатын ғылыми ұйымдардың, жоғары және жоғары оқу орнынан кейінгі білім беру ұйымдарының басшыларына жас ғалымдарды іріктеудің талаптарға сәйкестігін ескере отырып, оларды тиісті түрде таңдауға, сондай-ақ осы ұйымдар жанындағы консультативтік-кеңесші органдардың хаттамалық шешімімен бекітілуін қамтамасыз етуге дербес жауапкершілік жүктелсін.»;
көрсетілген бұйрықпен бекітілген Мемлекет қатысатын ғылыми ұйымдардың, жоғары және жоғары оқу орнынан кейінгі білім беру ұйымдарының жас ғалымдарға пәтерлерді бөлу жөніндегі комиссиясының құрамы осы бұйрыққа 1-қосымшаға сәйкес жаңа редакцияда жазылсын;
Мемлекет қатысатын ғылыми ұйымдардың, жоғары және жоғары оқу орнынан кейінгі білім беру ұйымдарының жас ғалымдарға пәтерлерді бөлу жөніндегі комиссиясының ережесі осы бұйрыққа 2-қосымшаға сәйкес жаңа редакцияда жазылсын.
2. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
3. Осы бұйрық қол қойылған күнінен бастап күшіне енеді.
| Қазақстан Республикасының Ғылым және жоғары білім министрі |
С. Нұрбек |
Қазақстан Республикасы