Мемлекеттік орман қорын санаттар бойынша бөлуді бекіту және «Қазақ КСР ормандарын топтарға бөлуді және оларды қорғаныш санаттарына жатқызуды нақтылау туралы» Қазақ КСР Министрлер Кеңесінің 1981 жылғы 17 сәуірдегі № 182 және «Қазақ КСР ормандарын топтарға бөлуді және оларды қорғаныш санаттарына жатқызуды нақтылау туралы» Қазақ КСР Министрлер Кеңесінің 1981 жылғы 17 сәуірдегі № 182 қаулысына толықтыру мен өзгерістер енгізу туралы» Қазақстан Республикасы Үкіметінің 2001 жылғы 19 ақпандағы № 254 қаулыларының күші жойылды деп тану туралы
Қазақстан Республикасы Үкіметінің 2015 жылғы 31 желтоқсандағы № 1148 Қаулысы
2003 жылғы 8 шілдедегі Қазақстан Республикасының Орман кодексі 12-бабының 5) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған мемлекеттік орман қорын санаттар бойынша бөлу бекітілсін.
2. Мыналардың күші жойылды деп танылсын:
1) «Қазақ КСР ормандарын топтарға бөлуді және оларды қорғаныш санаттарына жатқызуды нақтылау туралы» Қазақ КСР Министрлер Кеңесінің 1981 жылғы 17 сәуірдегі № 182 қаулысы;
2) «Қазақ КСР ормандарын топтарға бөлуді және оларды қорғаныш санаттарына жатқызуды нақтылау туралы» Қазақ КСР Министрлер Кеңесінің 1981 жылғы 17 сәуірдегі № 182 қаулысына толықтыру мен өзгерістер енгізу туралы» Қазақстан Республикасы Үкіметінің 2001 жылғы 19 ақпандағы № 254 қаулысы (Қазақстан Республикасының ПҮАЖ-ы, 2001 ж., № 7, 77-құжат).
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.