ҚАЗАҚСТАН РЕСПУБЛИКАСЫ ПРЕЗИДЕНТІНІҢ
ЖАРЛЫҒЫ
«Қазақстан Республикасы Ұлттық Банкінің ережесін және құрылымын бекіту туралы» Қазақстан Республикасы Президентінің 2003 жылғы 31 желтоқсандағы № 1271 Жарлығына өзгерістер енгізу туралы
«Қазақстан Республикасының Президенті туралы» 1995 жылғы 26 желтоқсандағы Қазақстан Республикасы Конституциялық заңының 17-1-бабы 2-тармағының 1) тармақшасына сәйкес ҚАУЛЫ ЕТЕМІН:
1. «Қазақстан Республикасы Ұлттық Банкінің ережесін және құрылымын бекіту туралы» Қазақстан Республикасы Президентінің 2003 жылғы 31 желтоқсандағы № 1271 Жарлығына (Қазақстан Республикасының ПҮАЖ-ы, 2004 ж., № 50, 640-құжат) мынадай өзгерістер енгізілсін:
Қазақстан Республикасының Ұлттық Банкi туралы ереже (бұдан әрі - Ереже) осы Жарлыққа 1-қосымшаға сәйкес жаңа редакцияда жазылсын;
Қазақстан Республикасы Ұлттық Банкінің құрылымы осы Жарлыққа 2-қосымшаға сәйкес жаңа редакцияда жазылсын;
2-тармақ мынадай редакцияда жазылсын:
«2. Қазақстан Республикасы Ұлттық Банкінің штат саны 3604 адам болып белгiленсiн.».
2. Осы Жарлық, Ереженің 2019 жылғы 1 қаңтардан бастап қолданысқа енгізілетін 16-тармағының он алтыншы және отыз алтыншы абзацтарын, 17-тармағының жетінші абзацын, 23-тармағының отыз үшінші, отыз төртінші, отыз бесінші, қырық бірінші, қырық екінші және қырық үшінші абзацтарын қоспағанда, қол қойылған күнінен бастап қолданысқа енгізіледi.
Астана, Ақорда, 2018 жылғы желтоқсанның 12-і.
№ 803
Президентінің
2018 жылғы 12 желтоқсандағы
№ 803 Жарлығына
1-ҚОСЫМША
Қазақстан Республикасы
Президентінің
2003 жылғы 31 желтоқсандағы
№ 1271 Жарлығымен
БЕКІТІЛГЕН
Қазақстан Республикасының Ұлттық Банкi туралы
ЕРЕЖЕ
1-тарау. Жалпы ережелер