«Бюджет кірістерін болжау әдістемесін бекіту туралы» Қазақстан Республикасы Премьер-Министрінің орынбасары - Ұлттық экономика министрінің 2025 жылғы 30 сәуірдегі № 138 бұйрығына өзгерістер енгізу туралы
Қазақстан Республикасы Ұлттық экономика министрінің м.а. 2026 жылғы 23 маусымдағы № 157 бұйрығы
БҰЙЫРАМЫН:
1. «Бюджет кірістерін болжау әдістемесін бекіту туралы» Қазақстан Республикасы Премьер-Министрінің орынбасары - Ұлттық экономика министрінің 2025 жылғы 30 сәуірдегі № 138 бұйрығына мынадай өзгерістер енгізілсін:
көрсетілген бұйрықпен бекітілген Бюджет кірістерін болжау әдістемесінде:
2-тармақ мынадай редакцияда жазылсын:
«2. Жергілікті бюджетке кірістерді болжау астананың, облыстың, республикалық маңызы бар қаланың жергілікті атқарушы органы айқындайтын тәртіппен Әдістеме негізінде жүзеге асырылады.»;
4-тармақ мынадай редакцияда жазылсын:
«4. Республикалық бюджетке, жергілікті бюджетке және Қазақстан Республикасының Ұлттық қорына кірістерді болжау кезінде елдің әлеуметтік-экономикалық даму болжамының (бұдан әрі - ӘЭДБ) макроэкономикалық көрсеткіштері және астананың, облыстардың, республикалық маңызы бар қалалардың даму жоспарлары номиналды мәнде пайдаланылады.»;
26-тармақтың 8) тармақшасы мынадай редакцияда жазылсын:
«8) «Астана» халықаралық қаржы орталығының инвестициялық резиденті болып табылатын шетел азаматы немесе азаматтығы жоқ адамның резиденттігін растайтын құжаттың берілгені үшін алым;»;
40-тармақ мынадай редакцияда жазылсын:
«40. Астананың, облыстардың, республикалық маңызы бар қалалардың бюджеттерінен берілетін трансферттер (астананың, облыстардың, республикалық маңызы бар қалалардың бюджеттерінен берілетін бюджеттік алып қоюлар) Бюджет кодексінің 80-бабына сәйкес есептеледі.»;
46 және 47-тармақтар мынадай редакцияда жазылсын:
«46. Қазақстан Республикасының азаматтарына пәтерлерді сатудан түсетін түсімдерді қоспағанда, жерді және материалдық емес активтерді, мемлекеттік мекемелерге бекітілген мүлікті сатудан түсетін түсімдерді болжау уәкілетті органның деректері бойынша немесе болжанатын жылы инфляция деңгейіне түзетілген ағымдағы қаржы жылының күтілетін түсімін бағалау негізге алына отырып жүзеге асырылады.