Техникалық реттеу саласында өзін-өзі реттеуді дамыту жөніндегі шаралар кешенін бекіту туралы
Қазақстан Республикасы Сауда және интеграция министрінің 2023 жылғы 27 желтоқсандағы № 453-НҚ бұйрығы
Осы редакция 2024 жылғы 15 наурызда енгізілген өзгерістеріне дейін қолданылды
«Өзін-өзі реттеу туралы» Қазақстан Республикасы Заңының 7-бабының 4-3-тармағына сәйкес БҰЙЫРАМЫН:
1. Қоса беріліп отырған Техникалық реттеу саласында өзін-өзі реттеуді дамыту жөніндегі шаралар кешені (бұдан әрі - Шаралар кешені) бекітілсін.
2. Қазақстан Республикасы Сауда және интеграция министрлігі Техникалық реттеу және метрология комитеті Шаралар кешенін орындауды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Сауда және интеграция вице-министріне жүктелсін.
4. Осы бұйрық оған қол қойылған күнінен бастап күшіне енеді.