2. Сенімгерлік басқару құрылтайшысы қатарына осындай құрылтайшы жататын тұлғалар үшін осы Кодексте айқындалған тəртіппен сенімгерлік басқарудан түсетін кіріс пен сенімгерлік басқарудан түсетін мүлік бойынша корпоративтік жəне жеке табыс салықтары бойынша салықтық міндеттемені орындайды.
3. Сенімгерлік басқарушы қатарына осындай сенімгерлік басқарушы жататын тұлғалар үшін осы Кодексте айқындалған тəртіппен сенімгерлік басқарудың кірістері, шығындары мен мүлкі бойынша корпоративтік жəне жеке табыс салықтары бойынша салықтық міндеттемені орындайды.
2-параграф. Қайтыс болған жеке тұлғаның жəне хабарcыз кеткен деп танылған жеке тұлғаның салықтық міндеттемесін орындау
72-бап. Хабарсыз кеткен деп танылған жеке тұлғаның салықтық міндеттемесін орындау
1. Сот хабарсыз кеткен деп таныған жеке тұлғаның салықтық міндеттемесі:
1) меншік құқығында салық салу объектісі жəне (немесе) салық салуға байланысты объект болып табылатын мүлік болмаған жағдайда тоқтатыла тұруға жатады;
2) меншік құқығында салық салу объектісі жəне (немесе) салық салуға байланысты объект болып табылатын мүлік болған жағдайда, сот хабарсыз кеткен деп таныған жеке тұлғаның мүлкіне қорғаншылық жасау жөніндегі міндет жүктелген тұлға (бұдан əрі - мүліктің қорғаншысы) тарапынан орындалады.
Сот хабарсыз кеткен деп таныған жеке тұлғаның салықтық міндеттемесі оны хабарсыз кеткен деп тану туралы сот актісі заңды күшіне енген күннен бастап:
1) осындай адамның мұрасы қабылданған не мүлкі иесіз деп танылған;
2) оны хабарсыз кеткен деп тану туралы сот актісінің күші жойылған күнге дейінгі кезеңде тоқтатыла тұрады немесе оны мүліктің қорғаншысы орындайды.
2. Мүлік қорғаншысы сот хабарсыз кеткен деп таныған жеке тұлғаның мүлкінен салық төлеу бойынша салықтық міндеттемені орындайды.
3. Егер хабарсыз кеткен деп танылған жеке тұлғаның мүлкі оның салықтық берешегін өтеу үшін жеткіліксіз болса, онда оның салықтық берешегінің өтелмеген бөлігі салықтық берешекті есептен шығару туралы шешімге сəйкес есептен шығарылады.
Салықтық берешекті есептен шығару туралы шешімді салық органы мүлкінің жеткіліксіздігі туралы заңды күшіне енген сот актісінің негізінде шығарады.
4. Адамды хабарсыз кеткен деп тану туралы сот актісінің күші жойылған кезде бұрын есептен шығарылған салықтық берешектің қолданылуын талап қоюдың ескіру мерзіміне қарамастан, салық органы салықтық берешекті есептен шығару туралы шешімнің күшін жою туралы шешімге сəйкес қайта бастайды жəне ол өндіріп алынуға тиіс.
Салықтық берешекті есептен шығару туралы шешімнің күшін жою туралы шешімді салық органы адамды хабарсыз кеткен деп тану туралы шешімнің күшін жою туралы заңды күшіне енген сот актісінің негізінде шығарады.
73-бап. Қайтыс болған жеке тұлғаның, дара кəсіпкердің немесе жеке практикамен айналысқан адамның салықтық берешегін өтеу
1. Жеке тұлғаның қайтыс болған күніне немесе оны қайтыс болды деп жариялау туралы сот актісі заңды күшіне енген күнге жиналып қалған салықтық берешегін, егер осы бапта өзгеше белгіленбесе, оның мұрагері (мұрагерлері) мұраға қалдырылған мүліктің құны шегінде жəне мұраны алған күнге ондағы үлесіне пропорционалды түрде өтейді.
Дара кəсіпкердің немесе жеке практикамен айналысқан адамның қайтыс болған күніне немесе оны қайтыс болды деп жариялау туралы сот актісі заңды күшіне енген күнге жиналып қалған салықтық берешегін өтеу осы бапта көзделген тəртіппен жүзеге асырылады.
2. Егер жетім бала, ата-анасының қамқорлығынсыз қалған бала дара кəсіпкердің жəне (немесе) жеке практикамен айналысқан адамның тіркеу есебінде тұрмаған қайтыс болған жеке тұлғаның мұрагері болып табылса, онда мұндай мұрагер мұра қалдырушының салықтық берешегін өтеуден босатылады, ал мұра қалдырушының салықтық берешегі салықтық берешекті есептен шығару туралы шешімнің негізінде есептен шығарылады.
Салықтық берешекті есептен шығару туралы шешімді салық органы жетім баланың, ата-анасының қамқорлығынсыз қалған баланың мəртебесін растайтын құжаттың жəне салық органындағы тіркеу есебі мен қайтыс болған күніне салықтық берешегі туралы деректердің негізінде шығарады.
3. Егер қайтыс болған дара кəсіпкердің жəне (немесе) жеке практикамен айналысқан адамның мұрагері жетім бала, ата-анасының қамқорлығынсыз қалған бала болып табылса, онда мұра қалдырушының салықтық берешегін өтеу жөніндегі міндеттеме салықтық берешекті өндіріп алу туралы заңды күшіне енген сот актісінің негізінде ғана осындай мұрагерге жүктеледі.
Салық органы жетім баланың, ата-анасының қамқорлығынсыз қалған баланың мəртебесін растайтын құжаттың жəне салық органындағы тіркеу есебі мен қайтыс болған күніне салықтық берешегі туралы деректердің негізінде салықтық берешегін өндіріп алу туралы талап қоюмен сотқа жүгінеді.
Салықтық берешекті өндіріп алу туралы талап қоюды қанағаттандырудан бас тартылған кезде мұра қалдырушының салықтық берешегі салықтық берешекті есептен шығару туралы шешімге сəйкес есептен шығарылады.
Салықтық берешекті есептен шығару туралы шешімді салық органы салықтық берешекті өндіріп алу туралы талап қоюды қанағаттандырудан бас тарту туралы заңды күшіне енген сот актісінің негізінде шығарады.
4. Егер қайтыс болған жеке тұлғаның мүлкі салықтық берешекті өтеу үшін жеткіліксіз болса, онда салықтық берешектің өтелмеген бөлігі салықтық берешекті есептен шығару туралы шешімге сəйкес есептен шығарылады.
Салықтық берешекті есептен шығару туралы шешімді салық органы мүліктің жеткіліксіздігі туралы заңды күшіне енген сот актісінің негізінде шығарады.
5. Мұрагерлер болмаған немесе барлық мұрагерлер мұрадан бас тартқан жəне мүлік коммуналдық меншікке берілген кезде қайтыс болған жеке тұлғаның салықтық берешегі салықтық берешекті есептен шығару туралы шешімге сəйкес есептен шығарылады.
Салықтық берешекті есептен шығару туралы шешімді салық органы қайтыс болған адамның мүлкін иесіз қалған мүлік деп тану туралы заңды күшіне енген сот актісінің негізінде шығарады.
6. Жеке тұлғаны қайтыс болды деп жариялау туралы сот актісінің күші жойылған кезде мұндай жеке тұлғаның бұрын есептен шығарылған салықтық берешегінің қолданылуын талап қоюдың ескіру мерзіміне қарамастан, салық органы салықтық берешекті есептен шығару туралы шешімнің күшін жою туралы шешімге сəйкес қайта бастайды жəне ол өндіріп алынуға тиіс.
Салықтық берешекті есептен шығару туралы шешімнің күшін жою туралы шешімді салық органы жеке тұлғаны қайтыс болды деп жариялау туралы сот актісінің күшін жою туралы заңды күшіне енген сот актісінің негізінде шығарады.
3-параграф. Таратылған, қайта ұйымдастырылған жəне қызметін тоқтатқан кезде жекелеген салықтық міндеттемелерді орындау
74-бап. Таратылған, қайта ұйымдастырылған жəне қызметін тоқтатқан кезде салықтық міндеттемені орындаудың жалпы ережелері
1. Осы баптың мақсаттары үшін мыналар қызметі тоқтатылатын тұлға деп танылады:
таратылатын резидент-заңды тұлға;
Қазақстан Республикасында қызметі тоқтатылатын бейрезидент-заңды тұлғаның құрылымдық бөлімшесі;
Қазақстан Республикасында қызметі тоқтатылатын бейрезидент-заңды тұлғаның тұрақты мекемесі;
қызметі тоқтатылатын резидент-заңды тұлғаның құрылымдық бөлімшесі;
қызметі тоқтатылатын дара кəсіпкер;
қызметі тоқтатылатын жеке практикамен айналысатын адам;
бөлініп шығу, бірігу, бөліну немесе қосылу арқылы қайта ұйымдастырылатын заңды тұлға;
құқықтары мен міндеттерін шетелдік резидент-заңды тұлғаға беретін, бейрезидент-заңды тұлғаның құрылымдық мекемесін ашпаған тұрақты мекеме.
2. Таратудың салықтық есептілігі қызметі тоқтатылатын тұлға төлеуші жəне (немесе) салық агенті болып табылатын салықтардың, бюджетке төленетін төлемдердің түрлері мен əлеуметтік төлемдер бойынша таратудың салықтық есептілігін ұсыну міндеттемесі туындаған салықтық кезеңнің басталуынан бастап осындай есептілік салық органына ұсынылған күнге дейінгі кезең үшін жасалады.
Егер кезекті салықтық есептілікті ұсыну міндеттемесі туындаған салықтық кезеңнің алдындағы салықтық кезең үшін осындай кезекті салықтық есептілікті ұсыну мерзімі таратудың салықтық есептілігі ұсынылғаннан кейін басталса, мұндай кезекті салықтық есептілікті ұсыну таратудың салықтық есептілігі ұсынылған күннен кешіктірілмей жүргізіледі.
3. Осы баптың 2-тармағының екінші бөлігіне сəйкес ұсынылған кезекті салықтық есептілікте жəне таратудың салықтық есептілігінде көрсетілген салықтарды, бюджетке төленетін төлемдерді жəне əлеуметтік төлемдерді төлеу таратудың салықтық есептілігі салық органына ұсынылған күннен бастап күнтізбелік он күннен кешіктірілмей жүргізіледі.
4. Ақшалай есеп айырысулармен байланысты қызметті жүзеге асыру тоқтатылған кезде қызметі тоқтатылатын тұлға тұрған жеріндегі салық органына осы Кодексте айқындалған тəртіппен бақылау-касса машинасын (бар болса) есептен шығару туралы салықтық өтініш беруге міндетті.
5. Қызметті тоқтату туралы өтініш тиісті тіркеуші органға ұсынылған күннен бастап қызметі тоқтатылатын тұлғаны салық органы тарату (қызметін тоқтату) сатысындағы салық төлеуші деп таниды.
Осындай салық төлеуші туралы мəліметтер осы тармақтың бірінші бөлігінде көрсетілген өтініш ұсынылған күннен кейінгі үш жұмыс күні ішінде уəкілетті органның интернет-ресурсында орналастырылуға жататын тарату (қызметін тоқтату) сатысындағы салық төлеушілердің тізіміне енгізіледі.
6. Қызметі тоқтатылатын тұлғаның салықтық міндеттемені тиісінше орындауы осы Кодекске сəйкес салықтық əкімшілендіруді жүзеге асыру, оның ішінде салықтық тексеру жүргізу арқылы тексеріледі.
Салықтық тексеру қызметі оңайлатылған тəртіппен тоқтатылған кезде жүргізілмейді.
Салық төлеушілердің (салық агенттерінің), оның ішінде салық төлеушілердің (салық агенттерінің) жекелеген санаттарының қызметін тарату, қайта ұйымдастыру жəне тоқтату кезінде салықтық міндеттемені орындау тəртібін, қызметін тоқтату кезінде салықтық міндеттемені орындаудың оңайлатылған тəртібін, сондай-ақ салық төлеушілерді салық төлеушілердің жекелеген санаттарына жатқызу шарттарын уəкілетті орган айқындайды.
7. Салық төлеушіні таратылу (қызметін тоқтату) сатысындағы салық төлеушілер тізімінен алып тастауды салық органы:
1) нөмірлер тізілімдерінен шығару туралы мəліметтер алынған;
2) дара кəсіпкер немесе жеке практикамен айналысатын адам тіркеу есебінен шығарылған;
3) дара кəсіпкерді немесе жеке практикамен айналысатын адамды тіркеу есебінен шығарудан бас тарту туралы шешім шығарылған;
4) салық төлеушінің тарату (қызметін тоқтату) туралы шешімді өзгерту жөнінде жүгінген күнінен кейінгі үш жұмыс күні ішінде жүргізеді.
75-бап. Тарату кезінде салықтық міндеттемені орындау ерекшеліктері
1. Осы баптың мақсаттары үшін мыналар таратылатын салық төлеуші деп танылады:
таратылатын резидент-заңды тұлға;
Қазақстан Республикасында қызметі тоқтатылатын бейрезидент-заңды тұлғаның құрылымдық бөлімшесі;
Қазақстан Республикасында қызметі тоқтатылатын бейрезидент-заңды тұлғаның тұрақты мекемесі;
қызметі тоқтатылатын резидент-заңды тұлғаның құрылымдық бөлімшесі.
2. Осы Кодекстің 74-бабының 2-тармағында көзделген таратудың салықтық есептілігін ұсыну міндеттемесі аралық тарату балансы бекітілген күннен бастап үш жұмыс күні ішінде мынадай тұлғаларда:
таратылатын резидент-заңды тұлғада;
Қазақстан Республикасында қызметі тоқтатылатын бейрезидент-заңды тұлғаның құрылымдық бөлімшесінде немесе тұрақты мекемесінде;
қызметі тоқтатылатын резидент-заңды тұлғаның құрылымдық бөлімшесі салықтарды, бюджетке төленетін төлемдерді дербес төлеуші болып танылған жағдайда, осы құрылымдық бөлімшеде туындайды.
Осы Кодекстің 74-бабының 2-тармағында көзделген таратудың салықтық есептілігін ұсыну салықтық əкімшілендіруді жүзеге асыру, оның ішінде салықтық тексеру жүргізу үшін негіз болып табылады.
3. Таратылатын салық төлеушінің салықтық берешегі осындай тұлғалардың, оның ішінде олардың мүлкін өткізуден алынған ақшаның есебінен Қазақстан Республикасының заңдарында белгіленген кезектілік тəртібімен өтеледі.
Қызметі тоқтатылатын резидент-заңды тұлғаның құрылымдық бөлімшесінің, бейрезидент-заңды тұлғаның құрылымдық бөлімшелерінің салықтық берешегі қызметі тоқтатылатын тұрақты мекеме немесе құрылымдық бөлімше арқылы оларды құрған заңды тұлғаның ақшасы есебінен өтеледі.
Егер таратылатын салық төлеушінің мүлкі салықтық берешегін толық көлемде өтеу үшін жеткіліксіз болса, салықтық берешегінің қалған бөлігін Қазақстан Республикасының заңдарында белгіленген жағдайларда таратылатын салық төлеушінің құрылтайшылары (қатысушылары) өтейді.
4. Таратылатын салық төлеушінің салықтардың, бюджетке төленетін төлемдердің жəне өсімпұлдардың, айыппұлдардың артық (қате) төлеген сомалары, сондай-ақ кедендік баждардың, кедендік алымдардың, салықтар мен өсімпұлдардың артық төленген жəне (немесе) артық өндіріп алынған сомалары Қазақстан Республикасының заңнамасында белгіленген тəртіппен жəне шарттар ескеріле отырып, оның берешегін өтеу есебіне есепке жатқызылуға, ал қалған бөлігі таратылатын салық төлеушіге қайтарылуға жатады.
Егер таратылатын салық төлеуші құрылымдық бөлімшесі бар заңды тұлға болып табылатын жағдайларда, осы тармақтың бірінші бөлігінде көрсетілген сомалар да осындай салық төлеушінің құрылымдық бөлімшесінің берешегін өтеу есебіне жатқызылуға тиіс.
Егер таратылатын салық төлеушінің қосылған құн салығын төлеушіні тіркеу есебінен шығару күніне есепке жатқызылатын қосылған құн салығының қайтарылуға жататын есепке жазылған салық сомасынан асып кеткен сомасы болса, көрсетілген асып кету осы Кодексте айқындалған тəртіппен қайтарылуға жатады.
5. Таратылатын салық төлеушіде таратудың салықтық есептілігін ұсынған күннен бастап салықтық əкімшілендіру аяқталған күнге дейінгі кезең ішінде салықтар мен бюджетке төленетін төлемдерді есептеу мен төлеу бойынша салықтық міндеттемелер əлеуметтік міндеттеме туындаған кезде мұндай тұлға тарату кезеңінде есепке жазылған сомалар туралы хабарламаның негізінде көрсетілген міндеттемелерді толық көлемде орындауға міндетті.
Бұл ретте осы тармақтың бірінші бөлігіне сəйкес ұсынылған қосымша салықтық есептілікте көрсетілген салықтар мен бюджетке төленетін төлемдерді, əлеуметтік төлемдерді төлеу салық органына осындай қосымша салықтық есептілік ұсынылған күннен бастап күнтізбелік он күннен кешіктірілмей жүргізіледі.
6. Жеке тұлғалар мен бейрезиденттердің төлем көзінен салық салуға жататын, салықтық əкімшілендіру аяқталған күннен кейінгі күннен бастап тарату балансы бекітілген күнге дейінгі кезең ішінде дивидендтер түрінде кірістері пайда болған кезде таратылатын заңды тұлға тұрған жеріндегі салық органына осындай салықтық міндеттеме бойынша таратудың салықтық есептілігіне қосымша салықтық есептілікті ұсынуға жəне оны толық көлемде орындауға міндетті.
7. Таратылатын салық төлеушінің тұрған жеріндегі салық органына тарату балансын ұсынуы үшін мынадай талаптардың бір мезгілде сақталуы:
1) салықтық берешектің, əлеуметтік төлемдер бойынша, оның ішінде жүзеге асырылған салықтық əкімшілендіру қорытындылары бойынша берешектің болмауы;
2) салықтардың, бюджетке төленетін төлемдердің, өсімпұлдар мен айыппұлдардың артық (қате) төленген сомаларының, есепке жатқызылатын қосылған құн салығының есепке жазылған салық сомасынан асып кетуінің, сондай-ақ Қазақстан Республикасының заңнамасында айқындалған тəртіппен жəне жағдайларда қайтарылуға жататын кедендік баждардың, кедендік алымдардың, салықтар мен өсімпұлдардың артық төленген жəне (немесе) артық өндіріп алынған сомаларының болмауы негіз болып табылады.
8. Осы баптың 7-тармағына сəйкес таратылатын салық төлеуші ұсынған тарату балансы осындай салық төлеушіні бұл туралы хабардар ете отырып, тіркеуші органға таратылатын салық төлеушіде берешектің болмауын көздейтін берешектің жоқ (бар) екендігі туралы мəліметтерді салық органының жіберуі үшін негіз болып табылады.
9. Таратылатын салық төлеуші өзінде берешектің болмауын көздейтін берешектің жоқ (бар) екендігі туралы мəліметтерді тіркеуші органға жіберу туралы салық органының хабарламасын алған күннен бастап үш жұмыс күнінен кешіктірмей қызметін тоқтату рəсімін аяқтау үшін тіркеуші органға жүгінуге міндетті.
76-бап. Қызметі тоқтатылған кезде дара кəсіпкердің жəне жеке практикамен айналысатын адамның салықтық міндеттемені орындау ерекшеліктері
1. Дара кəсіпкер немесе жеке практикамен айналысатын адам қызметті тоқтату туралы шешім қабылданған күннен бастап күнтізбелік отыз күннен кешіктірмей тұрған жеріндегі салық органына бір мезгілде:
1) қызметін тоқтату туралы өтінішті;
2) осы Кодекстің 74-бабының 2-тармағына сəйкес таратудың салықтық есептілігін ұсынады.
2. Қызметі тоқтатылатын дара кəсіпкердің немесе жеке практикамен айналысатын адамның салықтық берешегі осындай адамдардың ақшасы, оның ішінде олардың мүлкін өткізуден алынған ақша есебінен Қазақстан Республикасының заңдарында белгіленген кезектілік тəртібімен өтеледі.
3. Дара кəсіпкер немесе жеке практикамен айналысатын адам салық органында тіркеу есебінен шығарылған кезде мұндай адамдар қызметін тоқтатты деп танылады.
Дара кəсіпкерді немесе жеке практикамен айналысатын адамды тіркеу есебінен шығару үшін мынадай шарттардың бір мезгілде сақталуы:
1) салықтық берешектің, əлеуметтік төлемдер бойынша, оның ішінде жүзеге асырылған салықтық əкімшілендіру қорытындылары бойынша берешектің болмауы;
2) салықтардың, бюджетке төленетін төлемдердің, өсімпұлдар мен айыппұлдардың артық (қате) төленген сомаларының, сондай-ақ Қазақстан Республикасының заңнамасында айқындалған тəртіппен жəне жағдайларда қайтарылуға жататын кедендік баждардың, кедендік алымдардың, салықтар мен өсімпұлдардың артық төленген жəне (немесе) артық өндіріп алынған сомаларының болмауы негіз болып табылады.
4. Жүргізілген салықтық əкімшілендіру қорытындылары бойынша дара кəсіпкердің немесе жеке практикамен айналысатын адамның осы баптың 3-тармағында белгіленген шарттарға сəйкес келмеуі тіркеу есебінен шығарудан бас тарту үшін негіз болып табылады.
5. Дара кəсіпкерді жəне жеке практикамен айналысатын адамды тіркеу есебінен шығару туралы жəне одан бас тарту туралы ақпарат уəкілетті органның интернет-ресурсында орналастырылуға тиіс.
6. Салық органы дара кəсіпкердің немесе жеке практикамен айналысатын адамның қызметін салықтық əкімшілендіруді жеке тұлға мұндай қызметті талап қоюдың ескіру мерзімі шегінде оңайлатылған тəртіппен тоқтатқаннан кейін жүргізуге құқылы.
Салық органы осы тармақтың бірінші бөлігінде көрсетілген қызмет бойынша сəйкессіздіктерді (бұзушылықтарды) анықтаған кезде жеке тұлға:
1) осындай қызметті жүзеге асыру кезінде қолданыста болған Қазақстан Республикасының заңнамасына сəйкес салықтар, бюджетке төленетін төлемдер мен əлеуметтік міндеттемелер бойынша салықтық міндеттемелерін есептейді;
2) Қазақстан Республикасының заңнамасына сəйкес салықтық міндеттемелері мен əлеуметтік міндеттемесін орындайды.
77-бап. Заңды тұлғаны қайта ұйымдастыру кезінде салықтық міндеттемені орындау ерекшеліктері
1. Бөліну жəне бөлініп шығу жолымен қайта ұйымдастыру кезінде таратудың салық есептілігін ұсынуды қоспағанда, қайта ұйымдастырылатын заңды тұлғаның салықтық міндеттемесін орындау оның құқық мирасқорына жүктеледі.
Қайта ұйымдастырылатын заңды тұлғаның құқық мирасқорын, сондай-ақ оның салықтық берешегін өтеуге қатысу үлесін белгілеу Қазақстан Республикасының азаматтық заңнамасына сəйкес жүзеге асырылады.
2. Заңды тұлғаны қайта ұйымдастыру құқық мирасқорының салықтарды, бюджетке төленетін төлемдерді төлеу бойынша салықтық міндеттемені орындау мерзімдерін өзгертуге негіз болып табылмайды.
3. Қайта ұйымдастырылатын заңды тұлға салықтардың, бюджетке төленетін төлемдердің жəне өсімпұлдардың, айыппұлдардың, қосылған құн салығынан асып кетуінің артық (қате) төлеген сомалары, сондай-ақ кедендік баждардың, кедендік алымдардың, салықтар мен өсімпұлдардың артық төленген жəне (немесе) артық өндіріп алынған сомалары Қазақстан Республикасының заңнамасында белгіленген тəртіппен жəне шарттар ескеріле отырып, осындай тұлғаның жəне (немесе) оның құрылымдық бөлімшесінің берешегін өтеу есебіне есепке жатқызылуға, ал қалған бөлігі қайта ұйымдастырылатын заңды тұлғаның құқық мирасқорына қайта ұйымдастыру кезінде алған мүліктегі үлесіне пропорционалды түрде қайтарылуға жатады.
4. Бірігу немесе қосылу жолымен қайта ұйымдастырылатын заңды тұлға беру актісі бекітілген күннен бастап үш жұмыс күні ішінде тұрған жеріндегі салық органына бір мезгілде:
1) осы Кодекстің 74-бабының 2-тармағында көзделген таратудың салықтық есептілігін;
1) бөліну жолымен қайта ұйымдастыру туралы шешім қабылданған күннен бастап үш жұмыс күні ішінде - тұрған жеріндегі салық органына осы Кодекстің 74-бабының 2-тармағында көзделген таратудың салықтық есептілігін жəне салықтық тексеру жүргізу туралы салықтық өтінішті береді;
2) бөлініп шығу жолымен қайта ұйымдастыру туралы шешім қабылданған күннен бастап үш жұмыс күні ішінде - тұрған жеріндегі салық органына салықтық тексеру жүргізу туралы салықтық өтінішті береді.
6. Бөліну немесе бөлініп шығу жолымен қайта ұйымдастырылатын заңды тұлғаның жүргізілген салықтық тексеру қорытындылары бойынша мынадай шарттарға бір мезгілде сəйкес келуі:
1) салықтық берешектің, əлеуметтік төлемдер бойынша берешектің болмауы;
2) Қазақстан Республикасының заңнамасында айқындалған тəртіппен жəне жағдайларда салықтардың, бюджетке төленетін төлемдердің, өсімпұлдар мен айыппұлдардың артық (қате) төленген сомаларының, сондай-ақ қайтарылуға жататын кедендік баждардың, кедендік алымдардың, салықтар мен өсімпұлдардың артық төленген жəне (немесе) артық өндіріп алынған сомаларының болмауы осындай заңды тұлғаның тұрған жеріндегі салық органына бөлу балансын ұсынуы үшін негіз болып табылады.
7. Осы баптың 6-тармағына сəйкес бөліну жəне бөлініп шығу жолымен қайта ұйымдастырылатын заңды тұлға ұсынған бөлу балансы осындай заңды тұлғаға хабархат жібере отырып, қайта ұйымдастырылатын заңды тұлғада берешектің болмауын көздейтін, берешектің жоқ (бар) екендігі туралы мəліметтерді салық органының тіркеуші органға жіберуі үшін негіз болып табылады.
8. Салық органы заңды тұлғаны қайта ұйымдастыру туралы нөмірлер тізілімінің мəліметтерін алғаннан кейін осындай заңды тұлғаның жеке шоттары бойынша сальдоны тиісті салық органына береді.
78-бап. Бейрезидент-заңды тұлғаның құрылымдық бөлімшесін ашпай тұрақты мекеменің Қазақстан Республикасында тиімді басқару орнының (нақты басқару органының тұрған жерінің) болуына байланысты құқықтар мен міндеттерді беруі кезінде салықтық міндеттемені орындау ерекшеліктері
1. Осы баптың мақсаттары үшін:
бейрезиденттің тұрақты мекемесі деп бейрезидент-заңды тұлғаның құрылымдық бөлімшесін ашпай құрылған тұрақты мекеме түсініледі;
бейрезидент-заңды тұлға деп қызметін құрылымдық бөлімше ашпай тұрақты мекеме арқылы жүзеге асыратын бейрезидент-заңды тұлға түсініледі;
шетелдік резидент-заңды тұлға деп шет мемлекеттің заңнамасы бойынша құрылған, тиімді басқару орны (нақты басқару органының тұрған жері) Қазақстан Республикасында орналасқан жəне бейрезидент тұрақты мекеменің құқықтары мен міндеттері ауысатын заңды тұлға түсініледі.
2. Бейрезидент-заңды тұлға тиімді басқару орнын (нақты басқару органының тұрған жерін) шет мемлекеттен Қазақстан Республикасына ауыстыру туралы шешім қабылдаған жағдайда, мұндай тұлғаның тұрақты мекемесі өзінің құқықтары мен міндеттерін беру актісіне сəйкес көрсетілген бейрезидент-заңды тұлғаға беруге міндетті.