ҚР Ұлттық экономика министрінің 2021 жылғы 11 маусымдағы № 59 бұйрығымен күші жойылды
ҚР Ұлттық экономика министрінің 2019.19.04. № 28 бұйрығымен мемлекеттік көрсетілетін қызмет стандарты жаңа редакцияда (бұр.ред.қара)
Қазақстан Республикасы
Ұлттық экономика министрінің
2015 жылғы 24 сәуірдегі
№ 352 бұйрығына
3-қосымша
«Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде
шағын және орта кәсіпкерлік субъектілерінің кредиттері бойынша кепілдіктер беру»
мемлекеттік көрсетілетін қызмет стандарты
(2019.19.04. берілген өзгерістер мен толықтырулармен)
1-тарау. Жалпы ережелер
1. «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде шағын және орта кәсіпкерлік субъектілерінің кредиттері бойынша кепілдіктер беру» мемлекеттік көрсетілетін қызмет (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Ұлттық экономика министрлігі (бұдан әрі - Министрлік) әзірледі.
3. Мемлекеттік көрсетілетін қызметті «Даму» кәсіпкерлікті дамыту қоры» акционерлік қоғамы (бұдан әрі - көрсетілетін қызметті беруші) көрсетеді.
Өтініштерді қабылдау және мемлекеттік қызметті көрсету нәтижелерін беру көрсетілетін қызметті берушінің кеңсесі, «электронды үкімет» www.egov.kz веб-порталы (бұдан әрі - веб-портал) арқылы жүзеге асырылады».
2-тарау. Мемлекеттік қызметті көрсету тәртібі
4. Мемлекеттік қызмет көрсету мерзімі.
Көрсетілетін қызметті алушы құжаттар топтамасын тапсырғаннан кейін:
1) 180 (бір жүз сексен) миллион теңгеге (бұдан әрі - млн. теңге) - дейінгі кредиттер бойынша көрсетілетін қызметті беруші Банктен құжаттарды алған күннен кейін 5 (бес) жұмыс күн;
Егер көрсетілетін қызметті алушының және онымен үлестес тұлғалардың/компаниялардың көрсетілетін қызметті берушінің кепілдігімен алынған кредиттер бойынша жиынтық берешегі 180 (бір жүз сексен) миллион теңгеден асатын болса, онда келесі жобаларды қарау 10 (он) жұмыс күнін құрайды.