«Болашақ»халықаралық стипендиясы иегерлерінің өтініштерін қарау жөніндегі комиссияның кейбір мәселелері туралы» Қазақстан Республикасы Білім және ғылым министрінің 2012 жылғы 4 шілдедегі № 325 бұйрығына өзгерістер енгізу туралы
Қазақстан Республикасы Білім және ғылым министрінің 2021 жылғы 22 маусымдағы № 298 бұйрығы
ҚР Ғылым және жоғары білім министрінің 2024 жылғы 23 шілдедегі № 366 бұйрығымен күші жойылды
«Құқықтық актілер туралы» 2016 жылғы 6 сәуірдегі Қазақстан Республикасы Заңының 65-бабы 3-тармағына сәйкес БҰЙЫРАМЫН:
1. «Болашақ» халықаралық стипендиясы иегерлерінің өтініштерін қарау жөніндегі комиссияның кейбір мәселелері туралы» Қазақстан Республикасы Білім және ғылым министрінің 2012 жылғы 4 шілдедегі № 325 бұйрығына мынадай өзгерістер енгізілсін:
көрсетілген бұйрықпен бекітілген «Болашақ» халықаралық стипендиясы иегерлерінің өтініштерін қарау жөніндегі комиссия туралы ережеде:
3-тармақ жаңа редакцияда жазылсын:
«3. Комиссияның негізгі міндеті «Болашақ» халықаралық стипендиясы иегерлерінің (бұдан әрі - Стипендиаттар) өтініштерін толық және жан-жақты:
1) оқуды ұйымдастыру не тағылымдамадан өтуді ұйымдастыру туралы шарт жасасу мерзімін ұзарту туралы;
2) мамандықтың, оқу бағдарламасының өзгеруі, жоғары оқу орнының, тағылымдама жүзеге асырылатын шетелдік ұйымның, оқу не тағылымдамадан өту елінің ауысуы туралы;
3) академиялық демалыс беру не ұзарту туралы, оқу не тағылымдамадан өту мерзімін ауыстыру туралы, оқу не тағылымдамадан өту мерзімін ұзарту туралы;
4) «Болашақ» халықаралық стипендиясын тағайындау үшін үміткерлерді іріктеу қағидаларына (бұдан әрі - Іріктеу қағидалары) сәйкес «Болашақ» халықаралық стипендиясынан бас тарту туралы, сондай-ақ Қазақстан Республикасының аумағында «Болашақ» халықаралық стипендиясы шеңберінде алған мамандық бойынша еңбек қызметін жүзеге асыру үшін кейінге қалдыру туралы;