«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінде (Салық кодексі) көзделген құжаттардың нысандарын бекіту туралы» Қазақстан Республикасы Үкіметінің 2011 жылғы 31 қазандағы № 1238 қаулысына өзгерістер енгізу туралы
Қазақстан Республикасы Үкіметінің 2015 жылғы 4 маусымдағы № 401 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінде (Салық кодексі) көзделген құжаттардың нысандарын бекіту туралы» Қазақстан Республикасы Үкіметінің 2011 жылғы 31 қазандағы № 1238 қаулысына (Қазақстан Республикасының ПҮАЖ-ы, 2011 ж., № 59, 839-құжат) мынадай өзгерістер енгізілсін:
1) 1-тармақта:
1) және 4) тармақшалар алып тасталсын;
2) тармақша мынадай редакцияда жазылсын:
«2) консулдық мекемелердің консулдық алымды қолма-қол ақшамен қабылдауы үшін қатаң есептілік бланкісінің нысаны;»;
көрсетілген қаулымен бекітілген бюджетке қолма-қол ақшамен төлеу жүзеге асырылуы мүмкін кейбір міндетті төлемдерді уәкілетті мемлекеттік органдардың немесе консулдық мекемелердің қабылдауы үшін қатаң есептілік бланкінің нысаны осы қаулыға 1-қосымшаға сәйкес жаңа редакцияда жазылсын;
3) көрсетілген қаулымен бекітілген қосылған құн салығы бойынша тіркеу есебіне қою туралы куәліктің нысаны осы қаулыға 2-қосымшаға сәйкес жаңа редакцияда жазылсын.
2. Осы қаулы алғашқы ресми жарияланған күнінен бастап қолданысқа енгізіледі.