«Қазақстан Республикасы Табиғи монополияларды реттеу агенттігінің кейбір бұйрықтарының күшін жою туралы» Қазақстан Республикасы Ұлттық экономика министрінің 2015 жылғы 15 маусымдағы № 430 бұйрығы

Қазақстан Республикасы Табиғи монополияларды реттеу агенттігінің кейбір бұйрықтарының күшін жою туралы
Қазақстан Республикасы Ұлттық экономика министрінің 2015 жылғы 15 маусымдағы № 430 бұйрығы

«Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 21-1-бабы 2-тармағына сәйкес БҰЙЫРАМЫН:

1. Осы бұйрықтың қосымшасына сай Қазақстан Республикасы Табиғи монополияларды реттеу жөніндегі агенттігінің кейбір бұйрықтарының күші жойылды деп танылсын.

2. Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитеті Қазақстан Республикасының заңнамасында белгіленген тәртіпте мерзімді баспасөз басылымдарында осы бұйрықтың ресми жариялануын қамтамасыз етсін және күнтізбелік бес күннің ішінде оның көшірмесін Қазақстан Республикасының Әділет министрлігіне жолдасын.

3. Осы бұйрық қол қойылған күнінен бастап күшіне енеді.

Қазақстан Республикасы

Ұлттық экономика министрінің

2015 жылғы 15 маусымдағы

№ 430 бұйрығына қосымша

Қазақстан Республикасы Табиғи монополияларды реттеу
агенттігінің күші жойылған кейбір бұйрықтарының

тізбесі

1. «Табиғи монополиялар субъектілерін қайта ұйымдастыруға және таратуға келісім беру туралы өтініштерді ұсыну және қарау ережесін бекіту туралы» Қазақстан Республикасының Табиғи монополияларды реттеу және бәсекелестікті қорғау жөніндегі агенттігі төрағасының 2003 жылғы 24 ақпандағы № 49-НҚ бұйрығы (Қазақстан Республикасының нормативтік құқықтық актілерді мемлекеттік тіркеу тізілімінде № 2214 нөмірмен тіркелген);