Қазақстан Республикасы аумағында уақыт есептеу тәртібі туралы
Қазақстан Республикасы Үкіметінің 2000 жылғы 23 қарашадағы № 1749 Қаулысы
(2005.15.03. берілген өзгерістер мен толықтырулармен)
Осы редакция 2018 жылғы 7 желтоқсанда енгізілген өзгерістеріне дейін қолданылды
Қазақстан Республикасы аумағында уақыт есептеуді реттеу мақсатында және әкімшілік-аумақтық құрылыстың өзгеруіне байланысты Қазақстан Республикасының Үкіметі ҚАУЛЫ ЕТЕДІ:
ҚР Үкіметінің 29.12.03 ж. № 1342; 20.07.04 ж. № 775 (бұр. ред. қара); 15.10.04 ж. № 1059 Қаулыларымен 1-тармақ өзгертілді
1. Қазақстан Республикасы аумағында уақыт есептеу Қазақстан Республикасының уақыт пен жиілік мемлекеттік алғашқы эталоны ұдайы жүргізетін, сақтайтын әрі беретін сағаттық белдеулердің халықаралық жүйесі бойынша жыл бойы тұрақты қолданылып келген уақыт белдеуі 1 сағатқа озық жүргізіледі (Атырау, Батыс Қазақстан, Маңғыстау облыстарынан басқа) деп белгіленсін.
2. ҚР Үкіметінің 2005.15.03 ж. № 231 Қаулысымен алып тасталды (бұр. ред. қара)
ҚР Үкіметінің 20.07.04 ж. № 775 Қаулысымен 3-тармақ жаңа редакцияда (бұр. ред. қара)
3. Қазақстан Республикасының аумағы 4-шi және 5-шi сағаттық белдеулерде орналасады деп белгiленсiн. Республиканың әкiмшiлiк- аумақтық құрылысына сәйкес сағаттық белдеулердiң шекарасы Ақтөбе облысы мен Қостанай облысының, Ақтөбе облысы мен Қарағанды облысының, Ақтөбе облысы мен Қызылорда облысының арасында өтедi.
ҚР Үкіметінің 20.07.04 ж. № 775 Қаулысымен 4-тармақ өзгерді (бұр. ред. қара)