Қазақстан Республикасы ішкі істер органдары, қылмыстық-атқару жүйесі қызметкерлері мен жұмыскерлерінің, Ұлттық ұлан әскери қызметшілерінің жүктеме және штат саны нормативтерін бекіту туралы
Қазақстан Республикасы Ішкі істер министрінің 2015 жылғы 14 желтоқсандағы № 1026 бұйрығы
«Қазақстан Республикасының ішкі істер органдары туралы» Қазақстан Республикасы Заңының 11-бабының 25) тармақшасына сәйкес БҰЙЫРАМЫН:
1. Мыналар:
Қазақстан Республикасы ішкі істер органдары қызметкерлері мен жұмыскерлерінің жүктеме және штат саны нормативтері осы бұйрыққа 1-қосымшаға сәйкес;
Қазақстан Республикасы Ішкі істер министрлігінің қылмыстық-атқару жүйесінің қызметкерлері мен жұмыскерлерінің жүктеме және штат саны нормативтері осы бұйрыққа 2-қосымшаға сәйкес;
Қазақстан Республикасының Ұлттық ұлан әскери қызметшілерінің жүктеме және штат саны нормативтері осы бұйрыққа 3-қосымшаға сәйкес бекітілсін.
2. Осы бұйрықтың орындалуын бақылау Қазақстан Республикасы Ішкі істер министрінің бірінші орынбасары полиция генерал-лейтенанты М.Ғ. Демеуовке және Кадр жұмысы департаментіне (А.Ү. Әбдіғалиев) жүктелсін.
3. Осы бұйрық қол қойылған күнінен бастап күшіне енеді.