Корпоративтік табыс салығы бойынша декларацияның нысаны (100.00-нысан) (Қазақстан Республикасы Қаржы министрі 2025 жылғы 12 қарашадағы № 695 бұйрығына 2-қосымша)
Қазақстан Республикасының
Қаржы министрі
2025 жылғы 12 қарашадағы
№ 695 бұйрығына 2-қосымша
Нысанға қосымша
Салық есептілігін жасау түсініктеме «Корпоративтік табыс салығы бойынша декларация
Жалпы ережелер
1. «Корпоративтік табыс салығы бойынша декларация» салық есептілігінің нысаны (бұдан әрі - декларация) корпоративтік табыс салығын (бұдан әрі - КТС) есептеуге арналған және Қазақстан Республикасында қызметін тұрақты мекеме арқылы жүзеге асыратын резидент-заңды тұлғалар, резидент емес-заңды тұлғалар жасайды, мыналарды қоспағанда:
мемлекеттік мекемелердің;
150.00-нысан бойынша КТС бойынша декларация тапсыратын жер қойнауын пайдаланушылар:
жер қойнауын пайдаланушылар Қазақстан Республикасы Салық кодексінің (бұдан әрі - Салық кодексі) 755-бабының 1-тармағында көрсетілген жер қойнауын пайдалануға арналған келісімшарттар шеңберінде жүзеге асырылатын қызмет бойынша (110.00-нысан бойынша КТС бойынша декларацияны ұсынады).
Салық кодексінің 755-бабының 1-тармағында көрсетілген жер қойнауын пайдаланушының келісімшарттық қызметінен тыс бойынша 100.00-нысан бойынша декларация жасалады.
Салық кодексінің 755-бабының 1-тармағында көрсетілген жер қойнауын пайдаланушының келісімшарттан тыс қызметі бойынша 100.00 нысанындағы декларация жасалады.
2. Декларация декларацияның өзінен (100.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (100.01-ден 100.14-ке дейінгі нысандар) тұрады.
3. Декларацияны толтыру кезінде түзетуге, тазартуға және өшіруге жол берілмейді.
4. Көрсеткіштер болмаған кезде декларацияның тиісті торкөздері толтырылмайды.
5. Декларацияға қосымшалар тиісті көрсеткіштерді ашуды талап ететін декларациядағы жолдарды толтыру кезінде жасалады.
6. Декларацияға қосымшалар оларда көрсетілуге жататын деректер болмаған кезде жасалмайды.
7. Декларацияға қосымшаның парағында бар жолдардағы көрсеткіштер саны асып кеткен жағдайда, декларацияға қосымшаның ұқсас парағы қосымша толтырылады.