Қазақстан Республикасы Өнеркәсіп және құрылыс министрлігінің 2023 -2027 жылдарға арналған даму жоспарын бекіту туралы
Қазақстан Республикасы Өнеркәсіп және құрылыс министрінің 2023 жылғы 11 желтоқсандағы № 120 бұйрығы
(2023.29.12. берілген өзгерістермен)
Қазақстан Республикасының Бюджет кодексінің 62-бабына сәйкес, БҰЙЫРАМЫН:
1. Қоса беріліп отырған Қазақстан Республикасы Өнеркәсіп және құрылыс министрлігінің (бұдан әрі - Министрлік) 2023 - 2027 жылдарға арналған даму жоспары (бұдан әрі - Даму жоспары) бекітілсін.
2. Даму жоспарының орындалуына жауапты Министрліктің құрылымдық бөлімшелерінің басшылары жыл сайын, келесі жылдың 25 қаңтар мерзімінен кешіктірмей Министрліктің Салааралық үйлестіру департаменті Даму жоспарын іске асыру туралы ақпаратты ұсынуды қамтамасыз етсін.
3. Министрліктің Салааралық үйлестіру департаменті:
1) осы бұйрықты Қазақстан Республикасының заңнамасында белгіленген тәртіппен Министрліктің ресми сайтына орналастыруды қамтамасыз етсін;
2) жыл сайын, келесі жылдың 15 ақпанынан кешіктірмей Даму жоспарын іске асыру туралы есепті дайындауды және оны Министрліктің ресми сайтына орналастыруды қамтамасыз етсін.
4. Осы бұйрықтың орындалуын бақылау Қазақстан Республикасы Өнеркәсіп және құрылыс министрлігінің аппарат басшысына жүктелсін.
5. Осы бұйрық қол қойылған күнінен бастап күшіне енеді және таратылуға жатады.
| Министр | К. Шарлапаев |
| «КЕЛІСІЛГЕН»: Қазақстан Республикасының Ұлттық экономика министрі _______________ Ә. Қуантыров ____ жылғы «____» ___________ | «КЕЛІСІЛГЕН»: Қазақстан Республикасының Қаржы министрі _______________ Е. Жамаубаев ____ жылғы «____» ___________ |
ҚР Өнеркәсіп және құрылыс министрінің 2023.29.12. № 180 бұйрығымен жоспар жаңа редакцияда (бұр.ред.қара)
Қазақстан Республикасы
Өнеркәсіп және құрылыс министрінің
2023 жылғы 11 желтоқсан
№120 бұйрығымен бекітілген
Қазақстан Республикасы Өнеркәсіп және құрылыс министрлігінің
2023 - 2027 жылдарға арналған даму жоспары
1-бөлім. Миссиясы мен пайымы