Киберқауіпсіздіктің оқыс оқиғаларына ден қоюдың дағдарысқа қарсы ұлттық жоспарын бекіту туралы
Қазақстан Республикасы Үкіметінің 2018 жылғы 9 тамыздағы № 488 Қаулысы
(2026.29.08 берілген өзгерістермен)
ҚР Үкіметінің 2026.14.08. № 725 Қаулысымен тақырыбы жаңа редакцияда (2026 ж. 29 тамыздан бастап қолданысқа енгізілді) (бұр.ред.қара)
ҚР Үкіметінің 2026.14.08. № 725 Қаулысымен кіріспе жаңа редакцияда (2026 ж. 29 тамыздан бастап қолданысқа енгізілді) (бұр.ред.қара)
«Киберқауіпсіздік туралы» Қазақстан Республикасының Заңы 6-бабының 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
ҚР Үкіметінің 2026.14.08. № 725 Қаулысымен 1-тармақ жаңа редакцияда (2026 ж. 29 тамыздан бастап қолданысқа енгізілді) (бұр.ред.қара)
1. Қоса беріліп отырған Киберқауіпсіздіктің оқыс оқиғаларына ден қоюдың дағдарысқа қарсы ұлттық жоспары бекітілсін.
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
ҚР Үкіметінің 2026.14.08. № 725 Қаулысымен ұлттық жоспары жаңа редакцияда (2026 ж. 29 тамыздан бастап қолданысқа енгізілді) (бұр.ред.қара)
Қазақстан Республикасы
Үкіметінің
2018 жылғы 9 тамыздағы
№ 488 қаулысымен
бекітілген
Киберқауіпсіздіктің оқыс оқиғаларына ден қоюдың дағдарысқа қарсы
ұлттық жоспары
1-тарау. Жалпы ережелер
1. Киберқауіпсіздіктің оқыс оқиғаларына ден қоюдың дағдарысқа қарсы ұлттық жоспары (бұдан әрі - жоспар) мемлекеттік құпияларға жатқызылған, қорғалып жасалған цифрлық жүйелерге, мемлекеттік құпияларды құрайтын мәліметтерді қамтитын цифрлық объектілерге, сондай-ақ арнаулы мақсаттағы телекоммуникация желісіне және (немесе) президенттік, үкіметтік және қорғалған байланыс желілеріне қолданылмайды.