«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінде (Салық кодексі) көзделген құжаттардың нысандарын бекіту туралы
Қазақстан Республикасы Үкіметінің 2011 жылғы 31 қазандағы № 1238 Қаулысы
(2013.01.07. берілген өзгерістермен)
Осы редакция 2015 жылғы 4 маусымда енгізілген өзгерістеріне дейін қолданылды
«Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексінде (Салық кодексі) көзделген құжаттардың нысандарын бекіту туралы» Қазақстан Республикасы Қаржы министрінің 2015 жылғы 17 ақпандағы № 98 бұйрығын қараңыз
«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 23-бабының 2-тармағына, 507-бабының 6-тармағына, 511-бабының 4-тармағына, 547-бабының 4-тармағына, 554-бабының 4) тармағының 1), 2) тармақшаларына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) салық төлеуші жеке тұлға төлейтін мүлік, көлік құралы салығына және жер салығына арналған алым квитанцияларының нысаны;
2) бюджетке қолма-қол ақшамен төлеу жүзеге асырылуы мүмкін кейбір міндетті төлемдерді уәкілетті мемлекеттік органдардың немесе консулдық мекемелердің қабылдауы үшін қатаң есептілік бланкінің нысаны;
3) қосылған құн салығы бойынша тіркеу есебіне қою туралы куәліктің нысаны;
4) жекелеген қызмет түрлері бойынша салық салу объектілерін (салық салуға байланысты) есеп алуды тіркеу карточкасының нысаны бекітілсін.
2. Осы қаулы 2012 жылғы 1 қаңтардан бастап қолданысқа енгізіледі және ресми жариялануға тиіс.