Қазақстан Республикасы Тұңғыш Президентінің - Елбасының «Өркен» білім беру грантын тағайындау жөніндегі республикалық комиссияның қызметі туралы ережені бекіту туралы
Қазақстан Республикасы Білім және ғылым министрінің 2019 жылғы 14 ақпандағы № 73 бұйрығы
Осы редакция 2022 жылғы 10 наурызда енгізілген өзгерістеріне дейін қолданылды
Қазақстан Республикасы Үкіметінің 2009 жылғы 14 наурыздағы № 317 қаулысымен бекітілген «Назарбаев Зияткерлік мектептері» дербес білім беру ұйымында дарынды балалардың оқуына ақы төлеу үшін Қазақстан Республикасы Тұңғыш Президентінің - Елбасының «Өркен» білім беру грантын тағайындау қағидалары мен мөлшерлерінің 2-тармағының 3) тармақшасына сәйкес БҰЙЫРАМЫН:
1. Қоса беріліп отырған Қазақстан Республикасы Тұңғыш Президентінің - Елбасының «Өркен» білім беру грантын беру жөніндегі республикалық комиссияның қызметі туралы ереже бекітілсін.
2. Қазақстан Республикасы Білім және ғылым министрлігінің Мектепке дейінгі және орта білім департаменті осы бұйрықты Қазақстан Республикасы Тұңғыш Президентінің - Елбасының «Өркен» білім беру грантын беру жөніндегі республикалық комиссия мүшелерінің назарына жеткізсін.
3. Осы бұйрықтың орындалуын бақылау Қазақстан Республикасының Білім және ғылым вице-министрі Э.А. Суханбердиеваға жүктелсін.
4. Осы бұйрық қол қойылған күнінен бастап күшіне енеді.