Осы редакция 2017 жылғы 31 шілдеде енгізілген өзгерістеріне дейін қолданылды
ҚР Үкіметінің 2016.23.06. № 370 Қаулысымен қағидалары жаңа редакцияда (бұр.ред.қара)
Қазақстан Республикасы Үкіметінің
2015 жылғы 31 шілдедегі
№ 599 қаулысымен
бекітілген
«Бизнестің жол картасы-2020» бизнесті қолдау мен дамытудың бірыңғай
бағдарламасы шеңберінде банктердің микроқаржы ұйымдарына берген кредиттері
бойынша ішінара кепілдік беру қағидалары
(2016.23.06. берілген өзгерістермен)
1. Жалпы ережелер
1. Осы «Бизнестің жол картасы-2020» бизнесті қолдау мен дамытудың бірыңғай бағдарламасы шеңберінде банктердің микроқаржы ұйымдарына берген кредиттері бойынша ішінара кепілдік беру қағидалары (бұдан әрі - Қағидалар) 2015 жылғы 29 қазандағы Қазақстан Республикасының Кәсіпкерлік кодексіне сәйкес әзірленді және банктердің кредиттері бойынша микроқаржы ұйымдарының міндеттемелерін орындауын ішінара қамтамасыз ету ретінде кепілдік беру тетігі мен шарттарын айқындайды.
2. Микроқаржы ұйымдарының кредиттері бойынша кепілдік беру Қазақстан Республикасы Үкіметінің 2015 жылғы 31 наурыздағы № 168 қаулысымен бекітілген «Бизнестің жол картасы-2020» бизнесті қолдау мен дамытудың бірыңғай бағдарламасының (бұдан әрі - Бағдарлама) шеңберінде жүзеге асырылады.
3. Кепілдік беру үшін көзделген қаражатты кәсіпкерлік жөніндегі уәкілетті орган мен қаржы агенттігі арасында жасалған «Бизнестің жол картасы-2020» бизнесті қолдау мен дамытудың бірыңғай бағдарламасы шеңберінде микрокредит беру бойынша субсидиялау және кепілдік беру туралы шарттың негізінде кәсіпкерлік жөніндегі уәкілетті орган аударады. «Бизнестің жол картасы-2020» бизнесті қолдау мен дамытудың бірыңғай бағдарламасы шеңберінде микрокредит беру бойынша субсидиялау және кепілдік беру туралы шарттың үлгілік нысанын кәсіпкерлік жөніндегі уәкілетті орган бекітеді.
4. Осы Қағидаларда мынадай терминдер мен анықтамалар пайдаланылады: