«Ғылыми тағылымдамадан өтуді іске асыру жөніндегі кейбір шаралар туралы» Қазақстан Республикасы Ғылым және жоғары білім министрінің 2022 жылғы 26 желтоқсандағы № 214 бұйрығына өзгерістер мен толықтыру енгізу туралы
Қазақстан Республикасы Ғылым және жоғары білім министрінің 2025 жылғы 24 сәуірдегі № 208 бұйрығы
«Құқықтық актілер туралы» Қазақстан Республикасы Заңының 65-бабы 3-тармақшасына сәйкес БҰЙЫРАМЫН:
1. «Ғылыми тағылымдамадан өтуді іске асыру жөніндегі кейбір шаралар туралы» Қазақстан Республикасы Ғылым және жоғары білім министрінің 2022 жылғы 26 желтоқсандағы № 214 бұйрығына мынадай өзгерістер мен толықтыру енгізілсін:
көрсетілген бұйрыққа 2-қосымша осы бұйрыққа 1-қосымшаға сәйкес жаңа редакцияда жазылсын;
көрсетілген бұйрықпен бекітілген Сараптамалық комиссиясының жұмысын ұйымдастыру қағидаларында:
1-тармақ мынадай редакцияда жазылсын:
«1. Осы Сараптамалық комиссия жұмысын ұйымдастыру қағидалары (бұдан әрі - Қағидалар) Қазақстан Республикасы Ғылым және жоғары білім министрінің міндетін атқарушының 2023 жылғы 18 тамыздағы № 422 бұйрығымен (Нормативтік құқықтық актілерді мемлекеттік тіркеу тізілімінде № 33308 болып тіркелген) бекітілген Үміткерлерді іріктеу және ғылыми тағылымдамадан өту қағидаларының 15-тармағына сәйкес әзірленді және сараптамалық комиссия жұмысының тәртібі мен ұйымдастырылуын айқындайды.»;
16-тармақ мынадай редакцияда жазылсын:
«16. Комиссия мүшелерімен жеке әңгімелесу қорытындысы бойынша әрбір үміткер бойынша Комиссияның әр мүшесі қойған бағалардың орташа балдарын жиынтықтау арқылы алынған жалпы орташа қорытынды балдың негізінде нәтижесі айқындалады.
Үміткердің жеке әңгімелесу нәтижесі төмендегідей:
5 (бес) балдан 3,77 (үш бүтін жүзден жетпіс жеті) және одан жоғары бал жинаған кезде - «ұсынылған» болады, есептеу кезінде жүздікке дейін дөңгелектенеді;
5 (бес) балдан 3,73 (үш бүтін жүзден жетпіс үш) және одан төмен жинаған кезде - «ұсынылмаған» болады, есептеу кезінде жүздікке дейін дөңгелектенеді.