2024-2026 жылдарға арналған аудандық бюджет туралы
Ақмола облысы Ерейментау аудандық мәслихатының 2023 жылғы 22 желтоқсандағы № 8С-12/2-23 шешімі
(2024.11.04. берілген өзгерістер мен толықтыруларымен)
Осы редакция 2024 жылғы 7 маусымда енгізілген өзгерістеріне дейін қолданылды
Қазақстан Республикасының Бюджет кодексінің 9-бабындағы 2-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6-бабындағы 1-тармағының 1) тармақшасына сәйкес, Ерейментау аудандық мәслихаты ШЕШІМ ҚАБЫЛДАДЫ:
Ақмола облысы Ерейментау аудандық мәслихатының 2024.09.02. № 8С-16/2-24 шешімімен (2024 ж. 1 қаңтарынан бастап қолданысқа енгізілді) (бұр.ред.қара); 2024.11.04. № 8С-19/2-24 шешімімен (2024 ж. 1 қаңтарынан бастап қолданысқа енгізілді) (бұр.ред.қара) 1-тармақ жаңа редакцияда
1. 2024-2026 жылдарға арналған аудандық бюджет осы шешімнің тиісінше 1, 2 және 3-қосымшаларға сәйкес, соның ішінде 2024 жылға келесі көлемдерде бекітілсін:
1) кірістер - 4 793 274,2 мың теңге, соның ішінде:
салықтық түсімдер - 1 695 011,0 мың теңге;
салықтық емес түсімдер - 45 538,0 мың теңге;
негізгі капиталды сатудан түсетін түсімдер - 176 228,0 мың теңге;
трансферттердің түсімдері - 2 876 497,2 мың теңге;
2) шығындар - 4 848 330,3 мың теңге;
3) таза бюджеттік кредиттеу - 17 871,0 мың теңге, оның ішінде:
бюджеттік кредиттер - 36 920,0 мың теңге;
бюджеттік кредиттерді өтеу - 19 049,0 мың теңге;
4) қаржы активтерiмен операциялар бойынша сальдо - 0,0 мың теңге, соның ішінде:
қаржы активтерін сатып алу - 0,0 мың теңге;
мемлекеттің қаржы активтерін сатудан түсетін түсімдер - 0,0 мың теңге;
5) бюджет тапшылығы (профициті) - -72 927,1 мың теңге;
6) бюджет тапшылығын қаржыландыру (профицитін пайдалану) - 72 927,1 мың теңге.
2. 2024 жылда 295 640,0 мың теңге сомасында аудандық бюджетке облыстық бюджеттен берілетін субвенция көлемі ескерілсін.
3. 2024 жылға арналған аудандық бюджет кірістерінің құрамында республикалық бюджеттен берілетін нысаналы трансферттер және бюджеттік кредиттер 4-қосымшаға сәйкес ескерілсін.