Асыл тұқымды малдардың мемлекеттік тіркелімін жүргізу ережесін бекіту туралы
Қазақстан Республикасы Ауыл шаруашылығы министрлігінің 2008 жылғы 29 желтоқсандағы № 792 бұйрығы
Осы редакция 2014 жылғы 3 қазанда енгізілген өзгерістеріне дейін қолданылды
«Асыл тұқымды мал шаруашылығы туралы» Қазақстан Республикасы Заңының 10-бабы 14) тармақшасына сәйкес БҰЙЫРАМЫН:
1. Қоса беріліп отырған Асыл тұқымды малдардың мемлекеттік тіркелімін жүргізу ережесі бекітілсін.
2. Қазақстан Республикасы Ауыл шаруашылығы министрлігінің Мал шаруашылығын дамыту және ветеринариялық қауіпсіздік департаменті (Тоқсеитова Р.Ә.) заңнамада белгіленген тәртіппен Қазақстан Республикасы Әділет министрлігінде осы бұйрықтың мемлекеттік тіркелуін қамтамасыз етсін.
3. «Асыл тұқымды малдың мемлекеттік тіркелімінің ережесін бекіту туралы» Қазақстан Республикасы Ауыл шаруашылығы министрінің 2004 жылғы 29 қазандағы № 614 бұйрығының (Мемлекеттік тізілімде 2004 жылғы 16 қарашада 3206 нөмірімен тіркелген, 2005 жылғы 9 қарашада № 143 «Заң газеті» газетінде жарияланған) күші жойылды деп танылсын.
4. Осы бұйрықтың орындалуын бақылау Ауыл шаруашылығы вице-министрі А.Қ. Евниевке жүктелсін.
5. Осы бұйрық алғаш рет ресми жарияланған күнен бастап он күнтізбелік күн өткен соң қолданысқа енгізіледі.
| Министрдің м.а. | А. Евниев |
Ауыл шаруашылығы Министрінің
2008 жылғы 29 желтоқсандағы
№ 792 бұйрығымен
Бекітілген
Асыл тұқымды малдардың мемлекеттік тіркелімінің
жүргізу ережесі
1. Жалпы мәліметтер
1. Осы Асыл тұқымды малдардың мемлекеттік тіркелімін жүргізу ережесі (бұдан әрі - Ереже) Қазақстан Республикасының «Асыл тұқымды мал шаруашылығы туралы» Заңының (бұдан әрі - Заң) 10-бабы 14) тармақшасына сәйкес әзірленді және Асыл тұқымды малдардың мемлекеттік тіркелімін (бұдан әрі - мемлекеттік тіркелім) жүргізудің тәртібін айқындайды.
2. Қазақстан Республикасындағы асыл тұқымды малдың және асыл тұқымды мал табындарының сандық және тұқымдық құрамы туралы деректер мемлекеттік тіркелімге тікелей жазу арқылы жүзеге асырылады.