Процессингтік орталықтың жұмыс істеу қағидаларын бекіту туралы
Қазақстан Республикасы Ауыл шаруашылығы министрінің міндетін атқарушының 2015 жылғы 27 ақпандағы № 7-1/179 бұйрығы
(2026.12.07. берілген өзгерістер мен толықтырулармен)
ҚР Ауыл шаруашылығы министрінің 2023.16.06. № 234 бұйрығымен кіріспе жаңа редакцияда (2024 ж. 1 қаңтардан бастап қолданысқа енгізілді) (бұр.ред.қара)
«Ветеринария туралы» Қазақстан Республикасы Заңының 8-бабының 38-1) тармақшасына сәйкес БҰЙЫРАМЫН:
1. Қоса беріліп отырған Процессингтік орталықтың жұмыс істеу қағидалары бекітілсін.
2. Қазақстан Республикасы Ауыл шаруашылығы министрлігінің Ветеринария және тамақ қауіпсіздігі департаменті:
1) Қазақстан Республикасының Әділет министрлігінде осы бұйрықтың мемлекеттік тіркелуін;
2) ҚР Ауыл шаруашылығы министрінің 2026.22.06. № 249 бұйрығымен алып тасталды (2026 ж. 10 шілдеден бастап қолданысқа енгізілді) (бұр.ред.қара)
3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналасуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министрдің міндетін атқарушы |
С. Омаров |
Ауыл шаруашылығы
министрінің міндетін атқарушының
2015 жылғы 27 ақпандағы
№ 7-1/179 бұйрығымен
бекітілген
Процессингтік орталықтың жұмыс істеу
қағидалары
1. Жалпы ережелер
ҚР Ауыл шаруашылығы министрінің 2023.16.06. № 234 бұйрығымен 1-тармақ жаңа редакцияда (2024 ж. 1 қаңтардан бастап қолданысқа енгізілді) (бұр.ред.қара)
1. Осы Процессингтік орталықтың жұмыс істеу қағидалары (бұдан әрі - Қағидалар) «Ветеринария туралы» Қазақстан Республикасы Заңының (бұдан әрі - Заң) 8-бабының 38) тармақшасына сәйкес әзірленді және процессингтік орталықтың жұмыс істеу тәртібін айқындайды.