Қазақстан Республикасы Экология, геология, және табиғи ресурстар министрлігінің Апелляциялық комиссиясын құру туралы
Қазақстан Республикасы Экология, геология және табиғи ресурстар министрінің 2022 жылғы 28 сәуірдегі № 137-ө бұйрығы
Қазақстан Республикасының 2021 жылғы 2 қаңтардағы № 400 Экология кодексінің 179-бабының 2-тармағына, Қазақстан Республикасы Үкіметінің 2019 жылғы 5 шілдедегі № 479 қаулысымен бекітілген Қазақстан Республикасы Экология, геология және табиғи ресурстар министрлігі туралы ережеге сәйкес БҰЙЫРАМЫН:
1. Қазақстан Республикасы Экология, геология және табиғи ресурстар министрлігінің тексеру нәтижелері туралы актіге шағымдарды қарау жөніндегі апелляциялық комиссиясы осы бұйрыққа 1-қосымшаға сәйкес құрамда құрылсын.
2. Апелляциялық комиссия туралы ереже осы бұйрыққа 2-қосымшаға сәйкес бекітілсін.
3. Осы бұйрықтың орындалуын бақылау жетекшілік ететін Қазақстан Республикасының Экология, геология және табиғи ресурстар вице-министріне жүктелсін.
4. Осы бұйрық қол қойылған күнінен бастап күшіне енеді.
Қазақстан Республикасының
Экология, геология және
табиғи ресурстар министрінің
2022 жылғы 28 сәуірдегі
№ 137-ө бұйрығына
1-қосымша
Қазақстан Республикасы Экология, геология және табиғи ресурстар министрлігінің тексеру нәтижелері туралы актіге шағымдарды қарау жөніндегі апелляциялық комиссиясының
құрамы
| Комиссия төрағасы | Хайруллин Мұратқали Кәрімұлы, Қазақстан Республикасы Экология, геология және табиғи ресурстар министрлігі Заң қызметі департаментінің директоры; |