Қазақстан Республикасы
Ішкі істер министрінің
2015 жылғы 7 желтоқсандағы
№ 998 бұйрығына
1-қосымша
Қазақстан Республикасы ішкі істер органдарының кадрмен
қамтамасыз ету және кадр саясаты субъектілерінің жұмыс сапасы нәтижелерін бағалау
әдістемесі
(2020.15.04. берілген өзгерістермен)
ҚР Ішкі істер министрінің 2020.15.04. № 328 бұйрығымен 1-тараудың тақырыбы жаңа редакцияда (бұр.ред.қара)
1-тарау. Жалпы ережелер
1. Осы Қазақстан Республикасы ішкі істер органдарының кадрмен қамтамасыз ету және кадр саясаты субъектілерінің жұмыс сапасы нәтижелерін бағалау әдістемесі (бұдан әрі - Әдістеме) ішкі істер органдарында кадрмен қамтамасыз ету және кадр саясаты субъектілерінің жұмыс сапасы бойынша шаралардың тиімділігін анықтауға арналған.
ҚР Ішкі істер министрінің 2020.15.04. № 328 бұйрығымен 2-тармақ жаңа редакцияда (бұр.ред.қара)
2. Кадр саясатының субъектілері Қазақстан Республикасы Ішкі істер министрлігінің және оның қарамағындағы ведомстволарының аумақтық органдарының, мамандандырылған күзет қызметінің, жоғары оқу орындарының (бұдан әрі - ішкі істер органдарының аумақтық бөліністері) бірінші басшылары және олардың орынбасарлары болып табылады.
ҚР Ішкі істер министрінің 2020.15.04. № 328 бұйрығымен 3-тармақ жаңа редакцияда (бұр.ред.қара)
3. Кадр саясатының субъектілерін бағалау объектілері ішкі істер органдарының аумақтық бөліністері болып табылады.
4. Ішкі істер органдарының кадрмен қамтамасыз ету және кадр саясаты субъектілерінің жұмыс сапасы нәтижелерін бағалауды (бұдан әрі - Кадр саясаты субъектілерін бағалау) Қазақстан Республикасы Ішкі істер министрлігінің Кадр қызметі (бұдан әрі - Кадр қызметі) жүзеге асырады.
5. Кадр саясаты субъектілерін бағалау күнтізбелік жылдың қорытындысы бойынша жүзеге асырылады.
6. Кадр саясатының субъектілерін бағалау мынадай:
1) адам ресурстарын пайдалану тиімділігі;
2) ішкі істер органдарының қызметкерлерін оқыту;
3) тәртіпті, заңдылықты сақтау және сыбайлас жемқорлық профилактикасы бойынша жұмыстың тиімділігі;
4) кәсіби даярлық деңгейі өлшемшарттары бойынша жүзеге асырылады.