Жаттықтырушыларға және спорт төрешілеріне аттестаттау жүргізу қағидаларын бекіту туралы
Қазақстан Республикасы Мәдениет және спорт министрінің 2014 жылғы 19 қарашадағы № 100 бұйрығы
Осы редакция 2023 жылғы 7 желтоқсанда енгізілген өзгерістеріне дейін қолданылды
«Дене шынықтыру және спорт туралы» 2014 жылғы 3 шілдедегі Қазақстан Республикасы Заңының 7-бабы 23) тармақшасына сәйкес БҰЙЫРАМЫН:
1. Қоса беріліп отырған Жаттықтырушыларға және спорт төрешілеріне аттестаттау жүргізу қағидалары бекітілсін.
2. Қазақстан Республикасы Мәдениет және спорт министрлігінің Спорт және дене шынықтыру істері комитеті (Е.Б. Қанағатов) заңнамада белгіленген тәртіпте:
1) осы бұйрықты Қазақстан Республикасы Әділет министрлігіне мемлекеттік тіркеуге ұсынсын;
2) Қазақстан Республикасы Әділет министрлігінде мемлекеттік тіркеуден өткеннен кейін осы бұйрықтың мерзімді басылымдарда және «Әділет» ақпараттық-құқықтық жүйесінде ресми жариялануын қамтамасыз етсін.
3. Осы бұйрықтың орындалуын бақылау Қазақстан Республикасы Мәдениет және спорт вице-министрі Т.Қ. Есентаевқа жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министр | А. Мұхамедиұл |
Мәдениет және спорт министрінің
2014 жылғы 19 қарашадағы
№ 100 бұйрығымен
бекітілген
Жаттықтырушылар мен спорт төрешілеріне аттестаттау жүргізу
қағидасы
1. Жалпы ережелер
1. Жаттықтырушылар мен спорт төрешілеріне аттестаттау жүргізу қағидасы (бұдан әрі - Қағида) жаттықтырушылар мен спорт төрешілеріне аттестаттау жүргізу тәртібін анықтайды.
2. Жаттықтырушылар мен спорт төрешілерін аттестаттауды республикалық және өңірлік спорт түрлері бойынша аккредиттелген спорт федерациялары (бұдан әрі - федерациялар) жүргізеді.