«Жаһандық және өңірлік ауқымдардағы төтенше жағдайларды жою жөніндегі іс-қимылдар жоспарларын бекіту туралы» Қазақстан Республикасы Үкіметінің 2017 жылғы 16 тамыздағы № 486 қаулысына өзгерістер енгізу туралы
Қазақстан Республикасы Үкіметінің 2024 жылғы 18 маусымдағы № 479 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Жаһандық және өңірлік ауқымдағы төтенше жағдайларды жою жөніндегі іс-қимылдар жоспарларын бекіту туралы» Қазақстан Республикасы Үкіметінің 2017 жылғы 16 тамыздағы № 486 қаулысына мынадай өзгерістер енгізілсін:
көрсетілген қаулыға 1, 2, 3, 4, 5, 6, 7 және 8-қосымшалар осы қаулыға 1, 2, 3, 4, 5, 6, 7 және 8-қосымшаларға сәйкес жаңа редакцияда жазылсын.
2. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі |
О. Бектенов |
Қазақстан Республикасы
Үкіметінің
2024 жылғы 18 маусымдағы
№ 479 қаулысына
1-қосымша
Қазақстан Республикасы
Үкіметінің
2023 жылғы 16 тамыздағы
№ 486 қаулысына
1-қосымша
Жойқын жер сілкінісі кезінде жаһандық және өңірлік ауқымдағы төтенше жағдайларды жою жөніндегі
іс-қимыл жоспары
| Р/с№ | Іс-шаралар | Орындалу мерзімі | Аяқтау нысаны |
| 1 | 2 | 3 | 4 |
| Төтенше жағдайлар министрлігі - азаматтық қорғау саласындағы уәкілетті орган | |||
| 1. | Төтенше жағдай аймағында бірінші кезектегі авариялық-құтқару жұмыстарын жүргізуді ұйымдастыру | Сағат +0.30 | адамдарды құтқару, эвакуациялау |
| 2. | Қазақстан Республикасы Президентінің Әкімшілігін, Үкімет Аппаратын, Қауіпсіздік Кеңесін және мүдделі мемлекеттік органдарды төтенше жағдайдың туындау фактісі туралы хабардар ету | дереу | ақпаратты жеткізу |
| 3. | Азаматтық қорғау күштері мен құралдарын жедел жіберу және басқару | дереу | күштер мен құралдардың іс-қимылдарын үйлестіру |
| 4. | Халықты, азаматтық қорғау жөніндегі басқару органдарын қалыптасқан жағдай туралы құлақтандыруды және хабар етуді қамтамасыз ету | Сағат +1.00 | ақпаратты халыққа жеткізу |