Жетісу облыстық мәслихатының 2022 жылғы 14 желтоқсандағы № 13-42 «Жетісу облысының қалалары мен елді мекендерінің аумақтарын абаттандырудың қағидаларын бекіту туралы» шешіміне өзгеріс енгізу туралы
Жетісу облыстық мәслихатының 2024 жылғы 16 шілдедегі № 18-112 шешімі
Жетісу облыстық мәслихаты ШЕШІМ ҚАБЫЛДАДЫ:
1. Жетісу облыстық мәслихатының 2022 жылғы 14 желтоқсандағы № 13-42 «Жетісу облысының қалалары мен елді мекендерінің аумақтарын абаттандырудың қағидаларын бекіту туралы» (Нормативтік құқықтық актілерді мемлекеттік тіркеу тізілімінде № 177077 тіркелген) шешіміне келесі өзгеріс енгізілсін:
көрсетілген шешімнің қосымшасы осы шешімнің қосымшасына сәйкес жаңа редакцияда жазылсын.
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
2024 жылғы 16 шілдедегі
№ 18-112 шешіміне қосымша
Жетісу облыстық мәслихатының
2022 жылғы 14 желтоқсандағы
№ 13-42 шешіміне қосымша
Жетісу облысының қалалары мен елді мекендерінің аумақтарын абаттандырудың қағидалары
1-тарау. Жалпы ережелер
1. Осы Жетісу облысының қалалары мен елді мекендерінің аумақтарын абаттандырудың қағидалары (бұдан әрі - Қағидалар) «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 20-бабының 23-15) тармақшасына, Қазақстан Республикасы Ұлттық экономика министрінің 2015 жылғы 20 наурыздағы № 235 бұйрығымен бекітілген (Қазақстан Республикасының Әділет министрлігінде № 10886 тіркелген) Қалалар мен елді мекендердің аумақтарын абаттандырудың үлгілік қағидаларына сәйкес әзірленді және құқықтық мәртебесі мен шаруашылық қызмет нысандарына қарамастан, барлық заңды тұлғалар, жеке тұлғалар, сондай-ақ аула және қоғамдық аумақтарды абаттандыруға жауапты лауазымды адамдар үшін қалалар мен елді мекендердің аумақтарын абаттандыру тәртібін айқындайды.