ҚР Өнеркәсіп және құрылыс министрінің 2024.18.04. № 142 бұйрығымен 7-қосымшамен толықтырылды (2024 ж. 25 маусымнан бастап қолданысқа енгізілді)
Қазақстан Республикасы Экология, геология
және табиғи ресурстар министрінің м.а.
2020 жылғы 22 мамырдағы
№ 117 бұйрығығына 7-қосымша
«Кедендік одақ шеңберінде геологиялы сынамаларды уақытша әкетуге рұқсат беру»
мемлекеттік қызмет көрсету қағидалары
1-тарау. Жалпы ережелер
1. Осы «Кедендік одақ шеңберінде геологиялық сынамаларды уақытша әкетуге рұқсат беру» мемлекеттік қызмет көрсету қағидалары (бұдан әрі - Қағидалар) «Мемлекеттік көрсетілетін қызметтер туралы» Қазақстан Республикасы Заңының 10-бабының 1) тармақшасына (бұдан әрі - Заң) сәйкес әзірленді және «Кедендік одақ шеңберінде геологиялық сынамаларды уақытша әкетуге рұқсат беру» мемлекеттік қызмет көрсету (бұдан әрі - мемлекеттік көрсетілетін қызмет) тәртібін айқындайды.
2. Мемлекеттік қызметті Қазақстан Өнеркәсіп және құрылыс министрлігі Геология комитетi (бұдан әрі - көрсетілетін қызметті беруші) көрсетеді.
3. Қызмет жеке және заңды тұлғаларға (бұдан әрі - көрсетілетін қызметті алушы) көрсетіледі.
2-тарау. Мемлекеттік қызмет көрсету тәртібі
4. Мемлекеттік қызметті алу үшін көрсетілетін қызметті алушылар көрсетілетін қызметті берушіге осы Қағидаларға 1-қосымшаға сәйкес нысан бойынша Электрондық (ішінара автоматтандырылған)/қағаз түрінде www.egov.kz «электрондық үкімет» веб-порталы (бұдан әрі - портал) және/немесе «мinerals.gov.kz» жерқойнауын пайдаланушылардың бірыңғай платформасы арқылы (бұдан әрі - платформа) арқылы кедендік одақ шеңберінде геологиялық сынамаларды уақытша әкетуге рұқсат беруге арналған өтініш береді.
Портал және/немесе платформа арқылы жүгінген кезде көрсетілетін қызметті алушының электрондық цифрлық қолтаңбасымен куәландырылған өтінішке мынадай құжаттар қоса беріледі: