«Шымкент қаласы бойынша жерлеудің және зираттарды күтіп ұстау ісін ұйымдастырудың қағидаларын бекіту туралы» 2019 жылғы 27 маусымдағы №51/430-6с Шымкент қаласы мәслихатының шешіміне өзгеріс енгізу туралы
Шымкент қаласы мәслихатының 2022 жылғы 29 қыркүйектегі № 21/195-VII шешiмi
Шымкент қаласының мәслихаты ШЕШТІ:
Шымкент қаласы мәслихатының «Шымкент қаласы бойынша жерлеудің және зираттарды күтіп ұстау ісін ұйымдастырудың қағидаларын бекіту туралы» 2019 жылғы 27 маусымдағы № 51/430-6с шешіміне (Нормативтік құқықтық актілерді мемлекеттік тіркеу тізілімінде № 53 болып тіркелген) мынадай өзгеріс енгізілсін:
көрсетілген шешімнің қосымшасы осы шешімге қосымшаға сәйкес жаңа редакцияда жазылсын.
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Шымкент қаласы мәслихатының хатшысы | Б. Нарымбетов |
2022 жылғы 29 қыркүйектегі
№21/195-VII шешіміне
қосымша
Шымкент қаласы мәслихатының
2019 жылғы 27 маусымдағы
№ 51/430-6с шешімімен
бекітілді
Шымкент қаласы бойынша жерлеудің және зираттарды күтіп ұстау ісін ұйымдастырудың
қағидалары
1 – тарау. Жалпы ережелер
1. Осы Шымкент қаласында жерлеу және зираттарды күтіп ұстау ісін ұйымдастырудың қағидалары (бұдан әрі – Қағидалар) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабы 1-тармағының 1-16) тармақшасына сәйкес әзірленді және Шымкент қаласында жерлеу мен зираттарды күтіп ұстау ісін ұйымдастырудың тәртібін айқындайды.