Кейбір мемлекеттік мекемелерді қайта ұйымдастыру туралы
Атырау облысы әкімдігінің 2021 жылғы 13 қыркүйектегі № 209 Қаулысы
(2022.04.04. берілген өзгерістермен)
Осы редакция 2023 жылғы 31 қазанда енгізілген өзгерістеріне дейін қолданылды
Қазақстан Республикасының Азаматтық кодексінің 45, 46-баптарына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27, 37-баптарына, Қазақстан Республикасының «Мемлекеттік мүлік туралы» Заңының 130-бабына сәйкес Атырау облысы әкімдігі ҚАУЛЫ ЕТЕДІ:
1. «Атырау облысы Ауыл шаруашылығы басқармасы» мемлекеттік мекемесі (бұдан әрі - Мекеме) оған «Атырау облысы Ветеринария басқармасы» мемлекеттік мекемесін қосу жолымен қайта ұйымдастырылсын.
2. Осы қаулының 1-қосымшасына сәйкес Мекеме туралы Ереже бекітілсін.
3. Осы қаулының 2-қосымшасына сәйкес кәсіпорындардың атаулары өзгертілсін және мемлекеттік қайта тіркеуден өткізілсін.
4. Осы қаулының 3-қосымшасына сәйкес өткізу актісі бекітілсін.
5. «Атырау облысы Қаржы басқармасы» мемлекеттік мекемесіне заңнамада белгіленген тәртіппен осы қаулының 2-қосымшасында атаулары өзгертілген мемлекеттік мекемелердің жарғыларын бекітуге және өзгерістер мен толықтырулар енгізуге өкілеттік берілсін.
Атырау облысы әкімдігінің 2022.04.04. № 81 Қаулысымен 6-тармақ жаңа редакцияда (бұр.ред.қара)
6. Мекеменің келесі құрылымы бекітілсін:
1) басшы;
2) басшының орынбасарлары;
3) мал шаруашылығы бөлімі;
4) егін шаруашылығы бөлімі;
5) агроөнеркәсіп кешеніндегі стратегия және инвестиция тарту бөлімі;
6) әкімшілік-қаржы бөлімі;
7) ветеринариялық қауіпсіздік бөлімі;
8) ветеринариялық мониторинг және есептілік бөлімі.